കൊച്ചി: ഓടുന്ന കാറില് അഭ്യാസപ്രകടനം നടത്തിയ മൂന്നംഗ സംഘം അറസ്റ്റില്. കൊല്ലം ശാസ്താംകോട്ട സ്വദേശികളായ ഷുഹൈബ്, ഷാഹ്ഫി, പ്രജീഷ് എന്നിവരെയാണ് അറസ്റ്റ് ചെയ്തത്. ഇന്റര്വ്യൂ അറ്റന്ഡ് ചെയ്യുന്നതിനായി കോഴിക്കോട്ടേക്ക് പോകവെ കൊച്ചിയില് എംജി റോഡില് വച്ചായിരുന്നു യുവാക്കളുടെ അഭ്യാസ പ്രകടനം.
കാറിന്റെ വാതിലില് കയറിയിരുന്നായിരുന്നു അഭ്യാസ പ്രകടനം. പിന്നാലെയെത്തിയ വാഹനത്തിലെ യാത്രക്കാരാണ് ദൃശ്യങ്ങള് പകര്ത്തി പൊലീസിന് കൈമാറുകയായിരുന്നു. പിന്നാലെ കച്ചേരിപ്പടിയിലെത്തി പൊലീസ് മൂവരെയും അറസ്റ്റ് ചെയ്തു. മൂവരും മദ്യലഹരിയിലായിരുന്നുവെന്ന് പൊലീസ് പറയുന്നു.
