പാലക്കാട്: സംസ്ഥാന ഷൂട്ടിങ് ചാമ്പ്യന്‍ഷിപ്പില്‍ പാലക്കാട്ടുനിന്ന് ഒരു ദേശീയ പ്രതീക്ഷ. ഷൂട്ടിങ്ങില്‍ മനസ്സ് ഏറെ അര്‍പ്പിച്ചിട്ടുള്ള അര്‍പ്പിതാ നായര്‍ പുതുശ്ശേരി (18) പങ്കെടുത്ത എല്ലാ ഇനങ്ങളിലും ലക്ഷ്യം കണ്ട് 12 മെഡലുകള്‍ കരസ്ഥമാക്കി. നാല് സ്വര്‍ണം, രണ്ട് വെള്ളി, ആറ് വെങ്കലം. ഓപ്പണ്‍സൈറ്റ് വനിതാ വിഭാഗം ചാമ്പ്യനുമായി അര്‍പ്പിത. പാലക്കാട്ടായിരുന്നു സംസ്ഥാന ഷൂട്ടിങ് ചാമ്പ്യന്‍ഷിപ്പ്.
10 മീറ്റര്‍ എയര്‍ റൈഫിള്‍ വിഭാ ഗത്തില്‍ സീനിയര്‍, വ്യക്തിഗതം, ടീം ഇനങ്ങളില്‍ വെള്ളി നേടി. ത്രീ പൊസിഷന്‍ സീനിയര്‍ ഓപ്പണ്‍സൈറ്റ് 50 മീറ്ററില്‍ സീനിയര്‍- ജൂനിയര്‍ (വ്യക്തിഗതം), സീനിയര്‍, ജൂനിയര്‍ ടീം ഇനങ്ങള്‍, 50 മീറ്റര്‍ ഓപ്പണ്‍സൈറ്റ് പ്രോണ്‍ സീനിയര്‍, ജൂനിയര്‍ ടീം ഇനങ്ങള്‍ എന്നിവയിലാണ് വെങ്കലം.
പാലക്കാട് കൊപ്പം സ്വദേശിയായ അര്‍പ്പിത പാലക്കാട് ലയണ്‍സ് സ്‌കൂളില്‍നിന്ന് പ്ലസ് ടു കഴിഞ്ഞതേയുള്ളു. ആലപ്പുഴ കാവാലം സ്വദേശിയും പാലക്കാട് അകത്തേത്തറ എന്‍എസ്എസ് എഞ്ചിനീയറിങ് കോളെജ് അദ്ധ്യാപകനുമായ ഡോ.ഗിരീഷ്.വി.പുതുശ്ശേരിയുടെയും ഗവ.മെഡിക്കല്‍ ഓഫീസര്‍ ഡോ.മഞ്ജുഷയുടെയും മകളാണ്. പാലക്കാട് റൈഫിള്‍ ക്ലബ്ബിലെ ലെനു കണ്ണനാണ് പരിശീലിപ്പിക്കുന്നത്.
