കോട്ടയം : കൊടൂരാറ്റില് കാണാതായ യുവാവിന്റെ മൃതദേഹം കണ്ടെത്തി.പുതുപ്പള്ളി കാട്ടിപ്പറമ്പ് അനിയന്കുഞ്ഞിന്റെ (39) മൃതദേഹമാണ് മൂന്നാം ദിനം കണ്ടെത്തിയത്.
അനിയന് കുഞ്ഞിനെ കാണാതായ കോടിമതയില് നിന്നും മൂന്നര കിലോമീറ്റര് അകലെ മാറി മലരിക്കല് മുട്ടം കടവില് നിന്നാണ് മൃതദേഹം കണ്ടെത്തിയത്.
അഗ്നിശമന സേനാംഗങ്ങള് രണ്ട് ദിവസമായി തെരച്ചില് നടത്തിവരികയായിരുന്നു.ബുധനാഴ്ച കോടിമത കൊടൂരാറ്റില് ചൂണ്ടയിടാനെത്തിയതായിരുന്നു ഇയാള്. ഇതിനിടെ ചൂണ്ടയുടെ കൊളുത്ത് ഉടക്കിയതായി സംശയത്തെ തുടര്ന്ന് ആറ്റില് ഇറങ്ങുകയും പിന്നീട് കാണാതാകുകയുമായിരുന്നു.
കോട്ടയം മാര്ക്കറ്റിലെ ഹോട്ടല് ജീവനക്കാരനായിരുന്നു അനിയന് കുഞ്ഞ്.
