മലപ്പുറം: വയനാട്ടിലും കോഴിക്കോടും പാലക്കാടും ഉഗ്രശബ്ദം കേട്ടതിന് പിന്നാലെ മലപ്പുറത്തും സമാനശബ്ദം കേട്ടുവെന്ന് പ്രദേശവാസികള്. മലപ്പുറം ജില്ലയിലെ എടപ്പാളിലാണ് പ്രകമ്പനം അനുഭവപ്പെട്ടത്.
വീടുകളില് ഇളക്കം അനുഭവപ്പെട്ടതായും ജനലുകള് കുലുങ്ങിയതായും പ്രദേശവാസികള് പറയുന്നു. ഇന്ന് രാവിലെ 10 മണിയോടെയായിരുന്നു സംഭവം. വയനാട്ടിലെ പ്രകമ്പനത്തിന്റെ വിവരങ്ങള് പുറത്ത് വന്നതിന് പിന്നാലെയാണ് മലപ്പുറത്തെ പ്രദേശവാസികളും അധികൃതരെ വിവരം അറിയിച്ചത്.
