ന്യൂദല്ഹി: ഇന്ദിരാഗാന്ധി വധത്തിന് ശേഷം സിഖുകാരെ കൂട്ടത്തോടെ കൊന്ന കോണ്ഗ്രസ് പാര്ട്ടിയുടെ പാപക്കറ പുറത്തുകൊണ്ടുവരുന്ന ദില്ജിദ് ദോസാഞ്ചിന്റെ സത് ലജ് എന്ന സിനിമയെച്ചൊല്ലി വിവാദം കൊഴുക്കുന്നു. സത് ലജ് എന്ന നദിയില് അന്ന് നൂറുകണക്കിന് സിഖുകാരെ കൂട്ടത്തോടെ ഇട്ട് കോണ്ഗ്രസ് നേതാക്കളും ഗുണ്ടകളും കൂടി കത്തിച്ചുവെന്നാണ് ഈ സിനിമ ആരോപിക്കുന്നത്.
സീ5ല് ഒടിടി റിലീസായി ജൂലായ് 3ന് പ്രദര്ശിപ്പിച്ചു തുടങ്ങിയ സിനിമ ജൂലായ് അഞ്ചിന് പൊടുന്നനെ പിന്വലിക്കുകയായിരുന്നു. ഈ സിനിമയോട് യാതൊരു വിയോജിപ്പുമില്ലെന്ന് സീ5 പറയുന്നുണ്ടെങ്കിലും സിനിമ പിന്വലിച്ചതിന് കൃത്യമായ കാരണം ഇവര് വ്യക്തമാക്കുന്നില്ല.
നേരത്തെ ഈ സിനിമ തിയറ്ററില് പ്രദര്ശിപ്പിക്കുന്നതിനായി സെന്സര് ബോര്ഡിനെ സമീപിച്ചപ്പോള് ബോര്ഡ് 127 ഭാഗങ്ങളില് കട്ട് വേണ്ടിവരുമെന്നാണ് ആവശ്യപ്പെട്ടത്. എന്നാല് ഒരു സീന് പോലും മുറിച്ചുമാറ്റാന് നിര്മ്മാതാക്കള് സമ്മതിച്ചില്ല. അവര് ലാഭത്തിന് മാത്രമല്ല, സിഖുകാരുടെ ദുര്യോഗം ജനങ്ങളിലേക്ക് എത്തിക്കുക എന്ന ലക്ഷ്യത്തോടെയാണ് സിനിമ പിടിച്ചത്. അങ്ങിനെയാണ് ഒടിടി വഴി റിലീസ് ചെയ്യാം എന്ന് തീരുമാനിച്ചത്. സീ5 എന്ന കമ്പനി അതിന് സമ്മതിച്ചു. പക്ഷെ ജൂലായ് 3ന് പ്രദര്ശനം തുടങ്ങിയ സിനിമ ജൂലായ് 5ന് പിന്വലിച്ചു. മാധ്യമപ്രവര്ത്തകര് എത്ര ചോദിച്ചിട്ടും സീ5 മൗനം പാലിക്കുകയാണ്. എന്തായാലും ഗാന്ധി കുടുംബത്തിന്റെ പിടി അത്രത്തോളമാണെന്നാണ് ഈ സംഭവം തെളിയിക്കുന്നത്.
കോണ്ഗ്രസിനോട് ചായ് വുള്ള സിഖ് ഗ്രൂപ്പുകളുമാണ് ഈ സമ്മര്ദ്ദത്തിന് പിന്നില് എന്ന് കരുതപ്പെടുന്നു. ഇന്ദിരാഗാന്ധി കൊല്ലപ്പെട്ടതിന് ശേഷം ദല്ഹിയില് നിരവധി സിഖുകാര് അപ്രത്യക്ഷരായിട്ടുണ്ട്. ഇവര് എങ്ങോട്ട് പോയി എന്ന് വീട്ടുകാര്ക്കും അറിയില്ല. ഇവരെ കൂട്ടത്തോടെ പിടിച്ച് കൊണ്ടുപോയി കൊന്ന ശേഷം ദഹിപ്പിക്കുകയായിരുന്നുവെന്ന് ഈ സിനിമ കാണിച്ചുതരുന്നു. ഇന്ദിരാഗാന്ധിയെ വധിച്ചത് സിഖുകാരായ അവരുടെ അംഗരക്ഷകര് ആണ്. പഞ്ചാബിലെ സുവര്ണ്ണക്ഷേത്രത്തില് കയറി ഭിന്ദ്രന് വാലയെ വധിച്ച ഇന്ദിരാഗാന്ധിയുടെ നടപടിയില് പ്രതിഷേധിച്ചാണ് ഈ അംഗരക്ഷകരായ സിഖുകാര് ഇന്ദിരാഗാന്ധിയെ വെടിവെച്ച് കൊന്നത്. ഇതേ തുടര്ന്നാണ് സിഖുകാരെ കൂട്ടത്തോടെ കോണ്ഗ്രസുകാര് കൊന്നൊടുക്കിയത്. സിഖുകാര് കൂട്ടത്തോടെ കൊല്ലപ്പെടുന്നതിനെ കുറിച്ച് മകന് രാജീവ് ഗാന്ധിയോട് ചോദിച്ചപ്പോള് വന്മരങ്ങള് വീഴുമ്പോള് ധാരാളം ചെടികള് അതില് അകപ്പെട്ട് ഇല്ലാതാകുമെന്നായിരുന്നു മറുപടി.
കോണ്ഗ്രസ് നേതാക്കളായ സജ്ജന് കുമാര്, ജഗദീഷ് ടൈറ്റ്ലര് തുങ്ങിയ നേതാക്കളാണ് കോണ്ഗ്രസ് ഗുണ്ടകളെ സംഘടിപ്പിച്ച് ദല്ഹിയില് സിഖ് വിരുദ്ധ കലാപം നടത്തിയത്. ഇവര് ആയിരക്കണക്കിന് സിഖുകാരെ കൊന്നു. 1984ലെ സിഖ് വിരുദ്ധ കലാപത്തിന്റെ പേരില് ഇന്നും കോണ്ഗ്രസ് നേതാവ് സജ്ജന് കുമാര് തീഹാര് ജയിലിലാണ്. അതേ സമയം മറ്റൊരു കോണ്ഗ്രസ് നേതാവായ ജഗദീഷ് ടൈറ്റ്ലറെ ഒരു ലക്ഷം രൂപ കെട്ടിവെയ്ക്കാന് ആവശ്യപ്പെട്ട കോടതി വിട്ടയച്ചു.
