തിരുവനന്തപുരം: സംസ്ഥാന അതിര്ത്തിയല് വന് രാസലഹരി വേട്ട. 45.07 ഗ്രാം എംഡിഎംഎയാണ് കണ്ടെത്തിയത്. സംഭവത്തില് രണ്ട് പേരെ അറസ്റ്റ് ചെയ്തു. പൂന്തുറ സ്വദേശി അനു, നെയ്യാറ്റിന്കര സ്വദേശി ശ്രീജിത്ത് എന്നിവരാണ് പിടിയിലായത്.
ഇന്ന് പുലര്ച്ചെ രണ്ട് മണിയോടെയായിരുന്നു സംഭവം. പാറശ്ശാല പോസ്റ്റ് ഓഫീസ് പരിസരത്ത് നിന്നാണ് ഇരുവരെയും പിടികൂടിയത്.സംസ്ഥാന അതിര്ത്തി വരെ തമിഴ്നാട് ട്രാന്സ്പോര്ട്ട് കോര്പ്പറേഷന്റെ ബസിലെത്തിയ സംഘം അമരവിള ചെക്പോസ്റ്റിലെ ജംഗ്ഷനില് ഇറങ്ങി മറ്റൊരു വാഹനത്തിനായി കാത്ത് നില്ക്കവെയാണ് പിടികൂടിയത്.
ബെംഗളൂരുവില് നിന്നാണ് പ്രതികള് ലഹരി വസ്തുക്കള് എത്തിച്ചത്. വിപണിയില് അഞ്ച് ലക്ഷം രൂപ വിലമതിക്കുന്ന മയക്കുമരുന്നാണ് പിടികൂടിയത്.
