കോട്ടയം: വയനാട് ഉരുള്പൊട്ടലിന്റെ പശ്ചാത്തലത്തില് മുഖ്യമന്ത്രിയുടെ ദുരിതാശ്വാസ നിധിയിലേക്ക് നായര് സര്വീസ് സൊസൈറ്റിയുടെ 25 ലക്ഷം രൂപ സംഭാവന നല്കി. ധനലക്ഷ്മി ബാങ്കിന്റെ തിരുവനന്തപുരം വഴുതക്കാട് ബ്രാഞ്ചില് നിന്നും ആണ് തുക കൈമാറിയത്. വിവിധ നായര് കരയോഗങ്ങളും ഫണ്ടു സമാഹരണം നടത്തുന്നുണ്ട്. ഇതിനു പുറമെയാണ് നായര് സര്വീസ് സൊസൈറ്റി ജനറല് സെക്രട്ടറി സുകുമാരന് നായരുടെ പ്രത്യേക നിര്ദേശപ്രകാരം തുക കൈമാറിയത്. സമൂഹ്യപ്രതിബദ്ധതയുള്ള ഒരു സംഘടന എന്ന നിലയ്ക്കാണ് ധന സഹായമെന്ന് എന്. എസ്. എസ് വൃത്തങ്ങള് സൂചിപ്പിച്ചു.
