ഷിരൂര്‍ : മണ്ണിടിച്ചിലില്‍ കാണാതായ കോഴിക്കോട് സ്വദേശി ഡ്രൈവര്‍ അര്‍ജുന് വേണ്ടിയുള്ള തെരച്ചില്‍ ദുഷ്‌കരമെന്ന് ഉത്തരകന്നഡ ജില്ലാ കളക്ടര്‍ ലക്ഷ്മി പ്രിയ. തെരച്ചിലിന്റെ പതിമൂന്നാം ദിവസമായ ഇന്നത്തെ തെരച്ചിലിലും ട്രക്ക് കണ്ടെത്താനായില്ല.
മുങ്ങല്‍ വിദഗ്ധനായ മത്സ്യത്തൊഴിലാളി ഈശ്വര്‍ മാല്‍പെ ഞായറാഴ്ചയും നദിയിലിറങ്ങി തെരച്ചില്‍ നടത്തി ഒന്നും കണ്ടെത്താനാകാത്തതിനെ തുടര്‍ന്ന് ഇന്നത്തെ പരിശോധന നിര്‍ത്തി.
ഇന്നലെ മൂന്ന് സ്പോട്ടുകളില്‍ പരിശോധന നടത്തി. എന്നാല്‍ തകരഷീറ്റുകളും മരകഷ്ണങ്ങളും മാത്രമാണ് കണ്ടത്തിയത്. അവശേഷിക്കുന്ന ഒരു സ്പോട്ടിലാണ് ഇന്ന് പരിശോധന നടത്തിയത്.അടിത്തട്ടിലേക്ക് പോയി തിരച്ചില്‍ നടത്തുക ദുഷ്‌കാരമാണെന്നും ഇന്ന് കൂടി സ്വന്തം ഉത്തരവാദിത്തത്തില്‍ തിരച്ചില്‍ നടത്തുമെന്നും ഈശ്വര്‍ മാല്‍പെ അറിയിച്ചിരുന്നു.
ഫ്ലോട്ടിങ് പോന്റുണ്‍ എത്തിക്കാനുള്ള നീക്കം പരാജയപ്പെട്ടുവെന്നാണ് വിവരം.ഡ്രഡ്ജിങ് സാധ്യതയും ഇല്ല.
