ആലപ്പുഴ: രോഗിയുമായി പോയ ആംബുലൻസും കാറും കൂട്ടിയിടിച്ചുണ്ടായ അപകടത്തിൽ ഒരാൾക്ക് ദാരുണാന്ത്യം. ആംബുലൻസിൽ ഉണ്ടായിരുന്ന രോഗി ഉദയനാണ് മരിച്ചത്. ദേശീയപാതയിൽ ചേർത്തല എസ് എൻ കോളേജിന് സമീപമായിരുന്നു അപകടം. ആംബുലൻസിൽ ഒപ്പമുണ്ടായിരുന്ന മൂന്ന് പേർക്കും പരിക്കേറ്റിട്ടുണ്ട്.
ആലപ്പുഴയിലേക്ക് പോകുകയായിരുന്ന കാറും ചേർത്തലയിലേക്ക് പോകുകയായിരുന്ന ആംബുലൻസും തമ്മിലാണ് കൂട്ടിയിടിച്ചത്. ആംബുലൻസിൽ ഉണ്ടായിരുന്ന രതീഷ്, ശ്രീക്കുട്ടൻ എന്നിവരെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരിക്കുകയാണ്.
