തിരുവനന്തപുരം: അമ്പൂരിയില് നിര്ത്തിയിട്ട വാന് ഉരുണ്ട് നീങ്ങി ശരീരത്തില് കയറി മൂന്ന് വയസുകാരി ഋതുവേദ മരിച്ച സംഭവത്തില് അമ്മ നിഷ ആത്മഹത്യക്ക് ശ്രമിച്ചു. വീടിനുള്ളില് തൂങ്ങിമരിക്കാന് ശ്രമിച്ച നിഷയെ ആശുപത്രിയില് പ്രവേശിപ്പിച്ച ശേഷം വിട്ടിലെത്തിച്ചു. വൈകിട്ട് കുഞ്ഞിന്റെ മൃതദേഹം സംസ്കരിച്ചു.
കുമ്പിച്ചല്ക്കടവ് പാലം കാണാന് കഴിഞ്ഞ ദിവസം ഋതുവേദയും കുടുംബവും എത്തിയപ്പോഴാണ് അപകടം ഉണ്ടായത്.മാതാപിതാക്കളുടെ കണ്മുന്നില് വച്ച് ഋതുവേദ വാഹനത്തിനിടയില്പെടുകയായിരുന്നു. കടുത്ത മാനസികാഘാതം കാരണം നിഷയെ ഇന്നലെ ആശുപത്രിയില് പ്രവേശിപ്പിച്ചിരുന്നു.
രാവിലെ വീട്ടിലേക്ക് എത്തിച്ച നിഷ ഉച്ചയോടെയാണ് ജീവനൊടുക്കാന് ശ്രമിച്ചത്.ശബ്ദം കേട്ട് ഓടിയെത്തിയ വീട്ടുകാര് നിഷയെ ഉടന് ആശുപത്രിയില് എത്തിച്ചു.വൈകിട്ടോടെ നിഷയെ തിരികെ വീട്ടിലെത്തിച്ചാണ് ഋതുവേദയുടെ സംസ്കാര ചടങ്ങ് നടത്തിയത്.
