തിരുവനന്തപുരം: കേരളത്തില്‍ വീണ്ടും അതിശക്ത മഴയുണ്ടാകുമെന്ന് മുന്നറിയിപ്പ്.അടുത്ത അഞ്ച് ദിവസത്തേക്കുള്ള പുതുക്കിയ കാലാവസ്ഥ പ്രവചനത്തിലാണ് കേരളത്തില്‍ വീണ്ടും അതിശക്ത മഴയ്‌ക്ക് സാധ്യതയെന്ന് അറിയിച്ചിരിക്കുന്നത്.
25 ാം തിയതി ഓറഞ്ച് ജാഗ്രത പ്രഖ്യാപിച്ചിട്ടുണ്ട്. കണ്ണൂര്‍, കാസറഗോഡ് ജില്ലകളിലാണ് ഈ ദിവസം അതിശക്ത മഴ സാധ്യതയുള്ളത്. അതേസമയം ഇന്നടക്കം അടുത്ത 5 ദിവസവും സംസ്ഥാനത്ത് വിവിധ ജില്ലകളില്‍ മഞ്ഞ ജാഗ്രത പ്രഖ്യാപിച്ചിട്ടുണ്ട്. കണ്ണൂര്‍, കാസര്‍ഗോഡ് ജില്ലകളിലാണ് ഇന്ന് മഞ്ഞ ജാഗ്രത. ഈ ജില്ലകളില്‍ ബുധനാഴ്ചയും മഞ്ഞ ജാഗ്രത ആയിരിക്കും.
മലപ്പുറം, കോഴിക്കോട്, വയനാട് ജില്ലകളില്‍ 25 ന് മഞ്ഞ ജാഗ്രതയായിരിക്കും.
