ഉത്തരാഖണ്ഡ് യാത്രികർക്ക് ആശ്വാസമേകും വിധത്തിൽ സൗകര്യമൊരുക്കി ഉത്തരാഖണ്ഡ് ടൂറിസം വികസന അതോറിറ്റി. സംസ്ഥാനത്തെ ഹോംസ്റ്റേകൾ ബുക്ക് ചെയ്യാൻ സൗകര്യമൊരുക്കുന്ന ഓൺലൈൻ പോർട്ടലാണ് ഉത്തരാഖണ്ഡ് ടൂറിസം വികസന അതോറിറ്റി പുറത്തിറക്കിയിരിക്കുന്നത്. സംസ്ഥാനത്തെ ഹോംസ്റ്റേകൾക്ക് യാതൊരുവിധ പ്ലാറ്റ്ഫോം ഫീസുകളും ഈടാക്കാതെ അവരുടെ ഹോംസ്റ്റേ സൗകര്യങ്ങൾ ലിസ്റ്റ് ചെയ്യുന്നതിനുള്ള സൗകര്യമാണ് പോർട്ടലിൽ സജ്ജമാക്കിയിരിക്കുന്നത്.
സംസ്ഥാനത്ത് 5000-ൽ അധികം ഹോംസ്റ്റേകളാണ് ഉള്ളത്. ഭാവിയിൽ വെൽനെസ് കേന്ദ്രങ്ങളെയും ഇത്തരം ഹോംസ്റ്റേകളുമായി ബന്ധിപ്പിക്കാനാണ് നീക്കം. ഹിമാലയൻ സംസ്ഥാനമായ ഉത്തരാഖണ്ഡിലെ പ്രധാന വരുമാന മാർഗ്ഗങ്ങളിൽ ഒന്നാണ് വിനോദസഞ്ചാരം. ഹോംസ്റ്റേ സൗകര്യങ്ങൾ ലിസ്റ്റ് ചെയ്യാനുള്ള സൗകര്യമാണ് uttarastays.com എന്ന പോർട്ടലിൽ സജ്ജമാക്കിയിരിക്കുന്നത്.
