തിരുവനന്തപുരം: ആമയിഴഞ്ചാന്‍ തോട്ടില്‍ മരണപ്പെട്ട ജോയിയുടെ മരണത്തിന് ഇടയായിക്കിയ സംഭവത്തിലെ മറുനടപടി ജോയിയുടെ വീട്ടില്‍വച്ച് പ്രഖ്യാപിക്കുമെന്ന് കേന്ദ്രമന്ത്രി സുരേഷ് ഗോപി.
തോട് വൃത്തിയാക്കുന്നതിന് സാങ്കേതികവിദ്യ സാധ്യമാക്കാന്‍ പറ്റിയില്ല. അത് സാമ്പത്തികമായ പ്രശ്‌നങ്ങള്‍കൊണ്ടാണ്. അത് രാഷ്‌ട്രീയപരമായ വിമര്‍ശന ബുദ്ധിയോടെ ഈയവസരത്തില്‍ നേരിടാന്‍ ഞാന്‍ തയാറല്ല. എല്ലാത്തിനും പോംവഴിയാണ് വേണ്ടത്. ഇനി നമുക്കിത് സംഭവിക്കരുത് എന്ന് പറയുന്നത് വീണ്ടും സംഭവിക്കുന്നത് വരെ മാത്രമാണ്. അടുത്തത് വരുമ്പോള്‍ അത് പുതിയ ഒറ്റപ്പെട്ട സംഭവമായിട്ട് മാത്രമാണ് വിലയിരുത്തപ്പെടുന്നത്. അതിനൊരു മറുനടപടിയുണ്ടാവണം. അന്തിമമായ സാങ്കേതിക അംഗീകാരം കേന്ദ്രത്തില്‍ നിന്ന് കിട്ടിയാലുടന്‍ തന്നെ അതിന്റെ പരിണിത ഫലം അറിഞ്ഞിട്ട് ജോയിയുടെ വീട്ടിലേക്ക് പോയി അവിടെവച്ച് അത് പറയുമെന്നും സുരേഷ്‌ഗോപി പറഞ്ഞു.
