ആലപ്പുഴ: ജോണ്‍സ് അംബ്രല – കരിക്കംപള്ളില്‍ അഡ്വ. കെ.ടി. മത്തായി മെമ്മോറിയല്‍ ഓള്‍ കേരള ഇന്‍വിറ്റേഷന്‍ ഇന്റര്‍ സ്‌കൂള്‍ ബാസ്‌കറ്റ്‌ബോള്‍ ടൂര്‍ണമെന്റ്-2024 വര്‍ണാഭമായ തുടക്കം. പി ഓ ഫിലിപ്പ് മെമ്മോറിയല്‍ ഇന്‍ഡോര്‍ കോംപ്ലെസ് ആരംഭിച്ച ഈ ടൂര്‍ണമെന്റ് സീസണിലെ ആദ്യത്തെ സ്‌കൂള്‍ ബാസ്‌കറ്റ്‌ബോള്‍ ടൂര്‍ണമെന്റ് ആണ്.
സ്റ്റാര്‍ട്ടിങ് 5 മാനേജ്മെന്റ് ആരംഭിച്ച് സ്‌കില്‍ ചലഞ്ചിന്റെ തുടക്കവും കൂടാതെ പിഎസ് വിശ്വപ്പന്‍ ട്രോഫി ബാസ്‌ക്കറ്റ്ബോള്‍ ടൂര്‍ണമെന്റിന്റെ രജതജൂബിലി ആഘോഷങ്ങളുടെ ഭാഗവുമാണ് ടൂര്‍ണമെന്റ്.
ഉദ്ഘാടന ദിവസം നടന്ന പ്രീക്വാര്‍ട്ടര്‍ ഫൈനല്‍ മത്സരങ്ങള്‍ ആവേശകരമായിരുന്നു ആദ്യ പകുതിയില്‍ 30-31ന് പിന്നില്‍ നിന്ന ശേഷം പിഎച്ച്എസ്എസ് പന്തലൂര്‍ സ്പോര്‍ട്സ് ഹോസ്റ്റല്‍ ടീം സില്‍വര്‍ ഹില്‍ എച്ച്എസ്എസ് കോഴിക്കോടിനെയും (62-58) പരിചയപെടുത്തിയപ്പോള്‍ ലിറ്റില്‍ ഫഌവര്‍ കോണ്‍വെന്റ് എച്ച്എസ്എസ് കൊരട്ടി ജ്യോതിനികേതന്‍ സ്‌കൂള്‍ ആലപ്പുഴയെ പരാജയപ്പെടുത്തി(54-39) ക്വാര്‍ട്ടര്‍ ഫൈനലില്‍ പ്രവശിച്ചു. പെണ്‍കുട്ടികളുടെ പ്രീക്വാര്‍ട്ടറില്‍ മൗണ്ട് കാര്‍മല്‍ കോട്ടയത്തെ ജ്യോതിനികേതന്‍ ആലപ്പുഴ (64-40) തോല്‍പ്പിച്ചു. മറ്റൊരു മത്സരത്തില്‍ ഓക്‌സ്‌ഫോര്‍ഡ് സെന്‍ട്രല്‍ സ്‌കൂള്‍ സെന്റ് ജോസഫ്‌സ് ജിഎച്ച്എസ്എസ്, ആലപ്പുഴയെ(54-44) തോല്‍പ്പിച്ചു.
നേരത്തെ കേരള സ്റ്റേറ്റ് സ്പോര്‍ട്സ് കൗണ്‍സില്‍ പ്രസിഡന്റ് യു ഷാഫലി ടൂര്‍ണമെന്റ് ഉദ്ഘാടനം ചെയ്തു.
