തിരുവനന്തപുരം: ഒരു ദിവസം മാതാഅമൃതാനന്ദമയി ദേവി തന്റെ സ്വപ്നത്തില്‍ വന്നെന്നും ആ സ്വപ്നം രണ്ടാം ദിവസം ഫലിച്ചെന്നും അതോടെ അമൃതാനന്ദമയിയുടെ ഭക്തയായെന്നും നടി ലക്ഷ്മി പ്രിയ. ഒരു യുട്യൂബ് ചാനല്‍ അഭിമുഖത്തിലായിരുന്നു ലക്ഷ്മിപ്രിയയുടെ ഈ വെളിപ്പെടുത്തല്‍.
ഭര്‍ത്താവിന്റെ വീട്ടില്‍ വരുത്തുമായിരുന്ന മാതാ അമൃതാനന്ദമയീമഠത്തിലെ പ്രസിദ്ധീകരണമായ മാതൃവാണി സ്ഥിരം വായിക്കുക പതിവായിരുന്നു. അതിലെ ചില വാക്കുകള്‍ സ്വാധീനിച്ചിട്ടുണ്ട്. – ലക്ഷ്മിപ്രിയ പറയുന്നു.
അമ്മയുടെ അത്ഭുതകരമായ കര്‍മ്മ കുശലതയെപ്പറ്റി ലക്ഷ്മിപ്രിയ വിശദീകരിക്കുന്നത് ഇങ്ങിനെ: “സുനാമി വന്നപ്പോള്‍ കൊല്ലം കടപ്പുറത്തെ മീന്‍പിടുത്തക്കാര്‍ മരിച്ചുപോയി. മാതാപിതാക്കള്‍ നഷ്ടപ്പെട്ട കുഞ്ഞുങ്ങള്‍ക്ക് പിന്നെ വെള്ളം കാണുന്നത് തന്നെ പേടിയായി. കടലില്‍ കളിച്ചുവളര്‍ന്ന കുഞ്ഞുങ്ങളായിരുന്നിട്ടും അവര്‍ കടല്‍ കാണുമ്പോള്‍ ഭയന്നു. ഈ മാതാ അമൃതാനന്ദമയി എന്താ ചെയ്തത്? കടപ്പുറത്തേക്ക് ഇറങ്ങിച്ചെന്ന് ഈ കുഞ്ഞുങ്ങളെ ചേര്‍ത്ത് പിടിച്ചു. ഒരു അമ്മ ചേര്‍ത്ത് പിടിക്കുന്നുണ്ടല്ലോ ആ ചേര്‍ത്ത് പിടിക്കല്‍. അമ്മ നമ്മളെ ചേര്‍ത്ത് പിടിക്കുമ്പോള്‍ നമ്മള്‍ അലിഞ്ഞുപോകുന്നതുപോലെ ഈ കുഞ്ഞുങ്ങള്‍ അമ്മയില്‍ അലിഞ്ഞുപോയി. കുടിക്കുന്ന വെള്ളം കാണുന്നതുവരെ പേടിയായിരുന്ന കുട്ടികളെ അമ്മ വെളിച്ചത്തിലേക്ക് കൊണ്ടുപോയി. അവര്‍ കടലില്‍ നീന്താന്‍ തുടങ്ങി.”
അതുപോലെ കടപ്പുറത്തെ സെപ്റ്റിക് ടാങ്കുകള്‍ ബ്ലോക്കായ സമയത്ത് എന്റെ മക്കളുടെ അഴുക്കെല്ലാം കോരാന്‍ എനിക്ക് യാതൊരു മടിയുമില്ലെന്ന് പറഞ്ഞ് അമൃതാനന്ദമായി ചാടിയിറങ്ങി. ഇതെല്ലാം കോരുന്ന അമ്മയുടെ ചിത്രം ഞാന്‍ കണ്ടിട്ടുണ്ട്. ഏത് ആത്മീയനേതാവാണ് അങ്ങിനെയെല്ലാം ഇറങ്ങുക?- ലക്ഷ്മിപ്രിയ ചോദിക്കുന്നു.
