തിരുവനന്തപുരം: തുമ്പയില് ബൈക്കിലെത്തിയ നാലംഗ സംഘം വീടിനുനേരെ നാടന് ബോംബെറിഞ്ഞു. വീടിന് മുന്നിലുണ്ടായിരുന്ന രണ്ടു പേര്ക്ക് പരിക്കേറ്റു. ഇതില് ഒരാളുടെ പരിക്ക് ഗുരുതരമാണ്. നെഹ്റു ജംഗ്ഷന് സമീപമാണ് സംഭവം.
ഷമീര് എന്നയാളുടെ വീട്ടിലേക്കാണ് ബോംബെറിഞ്ഞത്. ഷമീറിന്റെ സുഹൃത്തുക്കളായ അഖില്, വിവേക് എന്നിവര്ക്കാണ് പരിക്കേറ്റത്. അഖിലിന്റെ കൈക്കാണ് ഗുരുതരമായി പരിക്കേറ്റത്. പൊലീസിന്റെ ഗുണ്ടാ പട്ടികയിലുള്ളയാളാണ് വിവേക്. അഖിലിനെതിരെ കാപ്പ കേസുമുണ്ട്. അടുത്തിടെയാണ് ശിക്ഷ കഴിഞ്ഞ് പുറത്തിറങ്ങിയത്.സംഭവം നടക്കുമ്പോള് ഷമീര് വീടിനകത്തായിരുന്നു.
ഗുണ്ടാ സംഘങ്ങളുടെ കുടിപ്പകയാണ് ബോംബേറിന് കാരണമെന്നാണ് പൊലീസ് സംശയിക്കുന്നത്.
കഴക്കൂട്ടം സ്വദേശി സുനിലാണ് അക്രമത്തിന് പിന്നിലെന്നാണ് പൊലീസ് കരുതുന്നത്. പൊലീസ് സ്ഥലത്ത് പരിശോധന നടത്തി. അന്വേഷണം ആരംഭിച്ചു.
ബൈക്കുകളില് എത്തിയ നാലംഗ സംഘമാണ് ബോംബ് എറിഞ്ഞത്.
