ന്യൂദല്‍ഹി: വെറുതെ ഇരുന്നപ്പോള്‍ മോദിയെ ഒന്ന് ചൊറിയാമെന്ന് എഐസിസി അധ്യക്ഷന് മല്ലികാര്‍ജുന്‍ ഖാര്‍ഗെയ്‌ക്ക് ഒരു ഉള്‍വിളി. അപ്പോഴാണ് ദൽഹി വിമാനത്താവളത്തിലെ ഒരു ഭാഗത്തെ മേല്‍ക്കൂര തകര്‍ന്നു ഒരാള്‍ മരിച്ച സംഭവമുണ്ടാകുന്നത്. എന്നാല്‍ പിന്നെ അതില്‍ തൂങ്ങാമെന്ന് ഖാര്‍ഗെക്കു തോന്നി. മോദി അടുത്തിടെ ഉദ്ഘാടനം ചെയ്ത കെട്ടിടത്തിന്‌റെ മേല്‍ക്കൂരയാണ് തകര്‍ന്നതെന്ന് ഖാര്‍ഗെ സോഷ്യല്‍ മീഡിയയില്‍ അങ്ങു കാച്ചി.
മോദി പണിയുന്നത് എല്ലാം ഇത്തരത്തില്‍ തകര്‍ന്നുവീഴുകയാണെന്നും ഇതേക്കുറിച്ച് അന്വേഷണം വേണമെന്നുകൂടി കൂട്ടിച്ചേര്‍ത്തു. എന്നാല്‍ ഇത് അത്ര പെട്ടെന്ന് തിരിച്ചടിക്കുമെന്ന് ഖാര്‍ഗെ കരുതിയില്ല. 2008 കാലഘട്ടത്തില്‍ യുപിഎ സര്‍ക്കാരിന്റെ കാലത്ത് നിര്‍മ്മിച്ച മേല്‍ക്കൂരയാണ് കഴിഞ്ഞദിവസം തകര്‍ന്നു വീണതെന്നു ചൂണ്ടിക്കാട്ടി കേന്ദ്ര മന്ത്രി രാം മോഹന്‍ നായിഡു മറുപോസ്റ്റ് ഇട്ടതോടെ എഐസിസി അധ്യക്ഷന് ഉത്തരംമുട്ടി.
എന്തിനും ഏതിനും മോദി സര്‍ക്കാരിനെ കുറ്റപ്പെടുത്താന്‍ കണ്ണിലെണ്ണയൊഴിച്ച് കാത്തിരിക്കുകയാണ് കോണ്‍ഗ്രസുകാര്‍. എന്നാല്‍ ഖാര്‍ഗെ തന്നെ ഈ കുടുക്കില്‍ വീണത് തലസ്ഥാനത്ത് ചര്‍ച്ചയായിരിക്കുകയാണ്.
