തിരുവനന്തപുരം: മെഡിക്കല് വിദ്യാഭ്യാസ ഡയറക്ടറുടെ കീഴില് മെഡിക്കല് കോളജുകളുമായി ബന്ധപ്പെട്ട പരാതികള് പരിശോധിക്കുന്നതിന് സ്ഥിരം അന്വേഷണ സംവിധാനം സൃഷ്ടിക്കുമെന്ന് ആരോഗ്യ മന്ത്രി വീണാ ജോര്ജ് പറഞ്ഞു.
ആലപ്പുഴ മെഡി. കോളജുമായി ബന്ധപ്പെട്ട് അമ്പലപ്പുഴ എംഎല്എ എച്ച്. സലാം ചൂണ്ടിക്കാണിച്ച പ്രശ്നങ്ങള്ക്ക് നിയമസഭയില് മറുപടി നല്കുകയായിരുന്നു മന്ത്രി. ആലപ്പുഴ മെഡി. കോളജുമായി ബന്ധപ്പെട്ട് അടുത്തിടെയുണ്ടായ വിഷയങ്ങള് പരിശോധിച്ച് റിപ്പോര്ട്ട് നല്കാന് അന്വേഷണ കമ്മിഷനെ നിയോഗിച്ചിരുന്നു.
ഇതുമായി ബന്ധപ്പെട്ട റിപ്പോര്ട്ടുകള് മെഡിക്കല് വിദ്യാഭ്യാസ ഡയറക്ടര്ക്ക് ലഭിച്ചിട്ടുണ്ട്. ഇതില് സര്ക്കാരിനു മുന്നിലെത്തിയ റിപ്പോര്ട്ടില് വസ്തുതകള് പരിശോധിച്ച് ഡിഎംഇയോട് വിശദാംശങ്ങള് ലഭ്യമാക്കാന് ആവശ്യപ്പെട്ടിട്ടുണ്ടെന്നും മന്ത്രി പറഞ്ഞു.
