തിരുവനന്തപുരം: കെഎസ്ആര്ടി സി ജീവനക്കാരെ കയ്യേറ്റം ചെയ്യരുതെന്നും ബസ് വഴിയില് തടയരുതെന്നും ഗതാഗതമന്ത്രി കെ ബി ഗണേഷ്കുമാറിന്റെ അഭ്യര്ത്ഥന. പരാതി ഉണ്ടെങ്കില് കെഎസ്ആര്ടിസി മാനേജ്മെന്റിനെ അറിയിക്കാമെന്നും മന്ത്രി പറഞ്ഞു.
കെഎസ്ആര്ടിസിയുടെ ഔദ്യോഗിക ഫേസ്ബുക്ക് പേജിലെ വീഡിയോയിലൂടെയാണ് ഗണേഷ്കുമാറിന്റെ അഭ്യര്ത്ഥന .
ജീവനക്കാരുടെ ഭാഗത്ത് നിന്ന് മോശം പെരുമാറ്റം ഉണ്ടായാല് വാഹനത്തിന്റെ നമ്പറുള്പ്പെടെയുള്ള വീഡിയോ ദൃശ്യങ്ങള് അടക്കം സിഎംഡിക്ക് പരാതി നല്കാം. ഉറപ്പായും നടപടി സ്വീകരിക്കുമെന്ന് മന്ത്രി ഉറപ്പ് നല്കുന്നു. ജീവനക്കാര്ക്ക് ഇത്തരത്തില് എന്തെങ്കിലും പ്രതിസന്ധി നേരിട്ടാല് അവര്ക്കും പരാതി നല്കാവുന്നതാണ്.
