മ്യൂണിക്ക്: 2022ലെ ഖത്തര് ലോകകപ്പിലും അതിനുശേഷം നടന്ന രാജ്യാന്തര സൗഹൃദ മത്സരങ്ങളിലും മോശം പ്രകടനം നടത്തിയ ജര്മ്മന് ഫുട്ബോളിന്റെ അതിഗംഭീര തിരിച്ചുവരവിന് സാക്ഷ്യം വഹിച്ച് യൂറോ 2024ന് തുടക്കമായി. ഇന്നലെ പുലര്ച്ചെ ഗ്രൂപ്പ് എയിലെ ഉദ്ഘാടന മത്സരത്തില് ആതിഥേയരായ ജര്മ്മനി ഒന്നിനെതിരെ അഞ്ച് ഗോളുകള്ക്ക് സ്കോട്ട്ലന്ഡിനെ തകര്ത്ത് പടയോട്ടം തുടങ്ങി. നാലാം കിരീടം ലക്ഷ്യമിട്ട് സ്വന്തം മണ്ണില് മ്യൂണിക്കിലെ അലയന്സ് അരീനയില് കളിക്കാനിറങ്ങിയ ജര്മനി യുവതാരങ്ങളുടെ കരുത്തിലാണ് സ്കോട്ട്ലന്ഡിനെ നിലംപരിശാക്കിയത്. ഫ്ളോറിയന് വിര്ട്സ് (10), ജമാല് മുസിയാല (19), കെയ് ഹാവെര്ട്സ് (45+1 പെനാ
ല്റ്റി), നിക്ലാസ് ഫുള്ക്രുഗ് ((68),എംറെ കാന് (90+3) എന്നിവരാണ് ജര്മിയുടെ സ്കോറര്മാര്. ആന്റണിയോ റൂഡിഗറുടെ സെല്ഫ് ഗോളാണ് സ്കോട്ട്ലന്ഡിന് ആശ്വാസിക്കാന് വകയുണ്ടാക്കിയത്.
തുടക്കം മുതല് സ്കോട്ട്ലന്ഡ് ബോക്സിലേക്ക് മാര്ച്ച് നടത്തിയ ജര്മ്മനി 19 മിനിറ്റായപ്പോള് രണ്ട് ഗോള് നേടി. 10-ാം മിനിറ്റില് ഫ്ളോറിയന് വിര്്ട്സിലൂടെയാണ് ജര്മ്മന് ടാങ്കറുകള് ആദ്യ നിറയൊഴിച്ചത്. ഇതോടെ 21-കാരനായ ഫ്ളോറിയന് യൂറോകപ്പില് ഗോള്നേടുന്ന ഏറ്റവും പ്രായംകുറഞ്ഞ ജര്മന്താരം എന്ന നേട്ടത്തിനും അര്ഹനായി. ജോഷ്വ കിമ്മിച്ചിന്റെ അസിസ്റ്റിലായിരുന്നു ഗോള്. പത്തൊന്പതാം മിനിറ്റില് രണ്ടാം ഗോളും നേടി. ഹാവെര്ട്സ് ഒരുക്കിയ അവസരത്തില് നിന്ന് ജമാല് മുസിയാല ലക്ഷ്യം കണ്ടു.
പിന്നീട് ആദ്യപകുതിയുടെ പരിക്ക് സമയത്ത് പെനാല്റ്റിയിലൂടെ ഹാവെര്ട്സും ലക്ഷ്യം കണ്ടു. സ്കോട്ടിഷ് സെന്റര് ബാക്ക് റയാന് പോര്ട്ടിയസ് ഇല്കെ ഗുണ്ടോഗനെ ഫൗള് ചെയ്തതിനാണ് ജര്മനിക്ക് പെനാല്റ്റികിക്ക് ലഭിച്ചത്. വാറിലൂടെയാണ് റഫറി പെനാല്റ്റിയും റയാന് പോര്ട്ടിയസിന് ചുവപ്പുകാര്ഡും നല്കിയത്. ഇതോടെ ആദ്യപകുതി അവസാനിക്കുമ്പോള് ജര്മ്മനി 3-0ന് മുന്നില്.
റയാന് പോര്ട്ടിയസ് ചുവപ്പ് കാര്ഡ് പുറത്തായതോടെ രണ്ടാംപകുതിയില് പത്ത് പേരുമായിട്ടാണ് സ്കോട്ട്ലന്ഡിന് കളിക്കേണ്ടി വന്നത്. 63-ാം മിനിറ്റില് കെയ് ഹാവെര്ട്സിന്
പകരക്കാനായി എത്തിയ നിക്ലാസ് ഫുള്ക്രുഗ് അഞ്ച് മിനിറ്റിനകം സ്കോട്ടിഷ് പ്രതിരോധം തകര്ത്ത് ജര്മനിയുടെ സ്കോര് നാലാക്കി ഉയര്ത്തി.
ഫൈനല് വിസിലിന് തൊട്ടുമുമ്പ് എംറെ കാന് ജര്മന് ഗോള് പട്ടിക തികച്ചതോടെ ഉജ്ജ്വല വിജയം ആതിഥേയര്ക്ക് സ്വന്തമായി. ബുധനാഴ്ച ഹംഗറിക്കെതിരെയാണ് ജര്മ്മനി
യുടെ അടുത്ത മത്സരം.
