മാഡ്രിഡ്: സ്പാനിഷ് ലാ ലിഗ ഫുട്ബോള് മത്സരത്തിനിടെ റയല് മാഡ്രിഡ് താരം വിനിഷ്യസ് ജൂനിയറിനെ വംശീയമായി അധിക്ഷേപിച്ച മൂന്ന് പേര്ക്ക് ജയില്ശിക്ഷ വിധിച്ചു. ലാ ലിഗ നല്കിയ കേസിലാണ് കഴിഞ്ഞ വര്ഷം മെയ് 21ന് നടന്ന സംഭവത്തില് ശിക്ഷ ചുമത്തിയിരിക്കുന്നത്. വലന്സിയയുടെ മൂന്ന് ആരാധകര്ക്ക് എട്ട് മാസത്തെ ജയില് ശിക്ഷയാണ് സ്പെയിനിലെ കോടതി ശിക്ഷ വിധിച്ചത്.
കഴിഞ്ഞ വര്ഷം മെയില് വലന്സിയയ്ക്കെതിരായ റയല് മാഡ്രിഡിന്റെ ലാ ലിഗ പോരാട്ടത്തിനിടെയായിരുന്നു അനിഷ്ട സംഭവം അരങ്ങേറിയത്. വിനിഷ്യസിനെ പേരെടുത്ത് വിളിച്ചാണ് മൂന്ന് പേരം അപഹസിച്ചത്. ജയില് ശിക്ഷ കൂടാതെ ഇവര്ക്ക് മൂന്ന് വര്ഷത്തേക്ക് ലാ ലിഗ മത്സരങ്ങള് സ്റ്റേഡിയത്തില് പോയി കാണുന്നതിനെയും വിലക്കിയിട്ടുണ്ട്.
സ്പെയിനില് വര്ണവെറിക്കെതിരെ പോരാട്ടം നടക്കുന്നുവെന്നതിന്റെ തെളിവാണ് കോടതി വിധിയെന്ന് ലാ ലിഗ പ്രസിഡന്റ് ഹാവിയര് തെബാസ് പറഞ്ഞു.
