തൃശൂര്‍ : തൃശൂര്‍ പൂരം നടത്തിപ്പില്‍ വീഴ്ച വരുത്തിയെന്ന് ആരോപണം നേരിട്ട സിറ്റി പൊലീസ് കമ്മീഷണര്‍ അങ്കിത് അശോകനെ സ്ഥലംമാറ്റി.ഇളങ്കോ ആണ് പുതിയ തൃശൂര്‍ സിറ്റി പൊലീസ് കമ്മീഷ്ണര്‍.
അങ്കിത് അശോകന് പുതിയ നിയമനം നല്‍കിയിട്ടില്ല. പൊലീസ് ഉണ്ടാക്കിയ അനാവശ്യ നിയന്ത്രണങ്ങളാണ് തൃശൂര്‍ പൂരം പ്രതിസന്ധിയില്‍ ആക്കിയതെന്ന വിമര്‍ശനം അന്ന് തന്നെ ഉയര്‍ന്നിരുന്നു. തൃശൂര്‍ പൂരത്തില്‍ കമ്മീഷണര്‍ സ്വീകരിച്ച നടപടികള്‍ ഏറെ വിവാദമായിരുന്നു.
ആനകള്‍ക്ക് പട്ട എത്തിക്കുന്നവരെയും കുടമാറ്റത്തിന് കുട കൊണ്ടുവരുന്നവരെയും പൊലീസ് തടയുന്ന ദൃശ്യങ്ങള്‍ പുറത്ത് വന്നിരുന്നു. തിരുവമ്പാടിയുടെ കുടമാറ്റത്തിനുള്ള ശ്രീരാമന്റെ കുട കൊണ്ടുവന്നവരെയും പൊലീസ് തടഞ്ഞു. എന്നാല്‍ ഒരു പട്ടയോ കുടയോ കൊണ്ട് നിരവധി പേര്‍ അകത്തു കടക്കാന്‍ ശ്രമിച്ചതാണ് തടയാന്‍ കാരണമെന്ന് കമ്മീഷണര്‍ വിശദീകരണം നല്‍കിയിരുന്നു.
