തിരുവനന്തപുരം: മുന് മന്ത്രി അനൂപ് ജേക്കബ് എംഎല്എയുടെ ഭാര്യ അനില മേരി ഗീവര്ഗീസിനെ കേരള ഭാഷാ ഇന്സ്റ്റിറ്റ്യൂട്ടില് ഡെപ്യൂട്ടി ഡയറക്ടറായി നിയമിച്ചത് അഴിമതിയാണെന്ന് ആരോപിച്ച് സുപ്രീംകോടതിയില് ഹര്ജി. തിരുവനന്തപുരം സ്വദേശി മണിമേഖലയാണ് ഹര്ജി നല്കിയത്.
നേരത്തെ സമാന ഹര്ജി കേരള ഹൈക്കോടതി തള്ളിയിരുന്നു. തുടര്ന്നാണ് സുപ്രീംകോടതിയിലെത്തിയത്. വ്യാജ പ്രവര്ത്തി പരിചയ സര്ട്ടിഫിക്കറ്റാണ് അനില മേരി ഗീവര്ഗീസ് പദവി കിട്ടാന് ഹാജരാക്കിയതെന്ന് ഉള്പ്പെടെയായിരുന്നു ആരോപണം.
ഉമ്മന് ചാണ്ടി സര്ക്കാരിന്റെ കാലത്തെ നിയമനം. ചട്ടങ്ങള് പാലിച്ചല്ല എന്നാണ് ഹര്ജിയില് പറയുന്നത്.അന്ന് മന്ത്രിയായിരുന്നു കേരള കോണ്ഗ്രസ് ജേക്കബ് വിഭാഗം നേതാവായ അനൂപ് ജേക്കബ്. മുന് മന്ത്രി ടിഎം ജേക്കബിന്റെ മകനാണ് പിറവം എംഎല്എയായ അനൂപ് ജേക്കബ്.
