റാന്നി: 11 വയസ്സുള്ള രണ്ട് പെണ്‍കുട്ടികളെ പീഡിപ്പിച്ച കേസുകളില്‍ റിട്ടയേര്‍ഡ് റെയില്‍വേ പോലീസ് ഓഫീസര്‍ക്ക് 75 വര്‍ഷം കഠിനതടവും 4.50 ലക്ഷം രൂപയും ശിക്ഷ. പത്തനംതിട്ട കൊടുമണ്‍ ഐക്കാട് തെങ്ങിനാല്‍ കാര്‍ത്തികയില്‍ സുരേന്ദ്രനെയാണ് (69) അടൂര്‍ അതിവേഗ കോടതി ശിക്ഷിച്ചത്.
വീട്ടുമുറ്റത്ത് പതിവായി കളിക്കാനെത്തിയിരുന്ന പെണ്‍കുട്ടികളെയാണ് ഇയാള്‍ അനുനയിപ്പിച്ച് പീഡിപ്പിച്ചിരുന്നത്. 2021 സെപ്തംബറിലായിരുന്നു കേസിനാസ്പദമായ സംഭവം. നാലു വര്‍ഷമായി പ്രതി പല ദിസവങ്ങളിലും പീഡിപ്പിച്ചിരുന്നതായി പെണ്‍കുട്ടികളിലൊരാള്‍ പറഞ്ഞു.
അതിനിടെ ഒരു പെണ്‍കുട്ടി അമ്മയോട് സംഭവം പറഞ്ഞതിനെത്തുടര്‍ന്നാണ് പൊലീസില്‍ അറിയിച്ചതും പോക്‌സോ നിയമപ്രകാരം സുരേന്ദ്രനെതിരെ കേസെടുത്തതും. പിഴത്തുക അതിജീവതകള്‍ക്ക് നല്‍കണമെന്ന് കോടതി നിര്‍ദേശിച്ചു. പ്രോസിക്യൂഷനു വേണ്ടി സ്‌പെഷ്യല്‍ പബ്‌ളിക് പ്രോസിക്യൂട്ടര്‍ അഡ്വ. സ്മിത ജോണ്‍ ഹാജരായി.
