സദാനന്ദപുരം(കൊല്ലം): സദാനന്ദപുരം അവധൂത ആശ്രമത്തിലെ ദ്വിതീയ മഠാധിപതിയിരുന്ന മഹാപ്രസാദ് ആത്മാനന്ദ ഭാരതി സ്വാമികളുടെ എഴുപതാമത് മഹാസമാധി വാര്ഷികത്തില് ആശ്രമം മഠാധിപതി ചിദാനന്ദഭാരതിസ്വാമി രണ്ട് പേര്ക്ക് സംന്യാസദീക്ഷ നല്കി അവധൂത പരമ്പരയിലേക്ക് നയിച്ചു.
സ്വാമി അമൃതാനന്ദഭാരതി, സ്വാമി ആനന്ദവനം ഭാരതി തുടങ്ങിയ നാമങ്ങള് നല്കിയാണ് സംന്യാസ ദീക്ഷ നല്കിയത്. അവധൂത ആശ്രമത്തിലെ സംന്യാസിയായ സ്വാമി നിത്യാനന്ദ ഭാരതികള്ക്ക് സദാനന്ദപുരം അവധൂത ആശ്രമത്തിന്റെ ഉപആശ്രമമായ ഭാരതിപുരം ആശ്രമത്തിന്റെ ചുമതല നല്കിയുള്ള അഭിഷേകവും നടന്നു. തൃശ്ശൂര് ഹംസകുടീരം ആശ്രമ ആചാര്യന് ദിവ്യാനന്ദ സരസ്വതി സ്വാമി വിരജാഹോമം ഉള്പ്പടെയുള്ള പൂജാദികര്മ്മങ്ങള്ക്ക് ആചാര്യനായി.
ആര്എസ്എസ് കൊല്ലം വിഭാഗ് സംഘചാലക് ഡോ.ബി.എസ്. പ്രദീപ്, ആശ്രമം പിആര്ഒ കെ.ആര്. രാധാകൃഷ്ണന്, മുതിര്ന്ന മാധ്യമ പ്രവര്ത്തകന് ജ്യോതിര്ഘോഷ്, മധുസൂദനന് പിള്ള, സോമശേഖരന് പിള്ള, മാതൃസമിതി ഭാരവാഹികളായ ശാന്തകുമാരി, വിജയമ്മ, ആശ്രമ ഭാരവാഹികളായ സുജിത് കുമാര്, അനന്തു. വി, സുധീഷ് കെ.എസ്. ഭാരതിപു
രം ശ്രീകുമാര് എന്നിവര് ചടങ്ങുകള്ക്ക് നേതൃത്വം നല്കി.
