ഇസ്ലാമബാദ്: സ്ത്രീകള്‍ ജോലിക്ക് പോയിത്തുടങ്ങിയതോടെ വിവാഹമോചനക്കേസുകള്‍ വര്‍ധിക്കാന്‍ തുടങ്ങിയെന്ന് പാകിസ്ഥാന്‍ മുന്‍ ക്രിക്കറ്റ് താരം സയിദ് അന്‍വര്‍. ഒരു വീഡിയോ അഭിമുഖത്തിലാണ് സ്ത്രീകള്‍ക്കെതിരായ സയിദ് അന്‍വറിന്റെ ഈ വിദ്വേഷപരാമര്‍ശം.
“സ്ത്രീകള്‍ എന്നു മുതല്‍ ജോലിക്ക് പോയിത്തുടങ്ങിയോ അന്ന് മുതല്‍ പാകിസ്ഥാനില്‍ വിവാഹമോചനക്കേസുകള്‍ 30 ശതമാനം വര്‍ധിച്ചു. ഭര്‍ത്താവിനൊപ്പമുള്ള ജീവിതം നരകതുല്യമാണെന്ന് ഭാര്യ പറയുന്നു. സ്വയം സമ്പാദിക്കാനാകുമെന്നും തനിച്ച് വീട്ടുകാര്യങ്ങളെല്ലാം നോക്കാനാകുമെന്നും അവര്‍ പറയുന്നു. “- സയിന്‍ അന്‍വര്‍ പറയുന്നു.
ന്യൂസിലാന്‍റ് ക്യാപ്റ്റന്‍ കെയിന്‍ വില്യംസണും ആസ്ത്രേല്യന്‍ മേയറും ഇതുപോലുള്ള ആശങ്കകള്‍ മുന്നോട്ട് വെച്ചുവെന്നും അന്‍വര്‍ പറഞ്ഞു. സ്ത്രീകള്‍ ജോലിക്ക് പോകാന്‍ തുടങ്ങിയതോടെ സംസ്കാരം തകര്‍ന്നുവെന്ന് ആസ്ത്രേല്യന്‍ മേയര്‍ പറഞ്ഞതായും സയിദ് അന്‍വര്‍ അവകാശപ്പെടുന്നു.
പ്രതികരിക്കാൻ ഇവിടെ എഴുതുക: