സുക്മ: ഛത്തീസ്ഗഡിലെ സുക്മ ജില്ലയിൽ തലയ്ക്ക് 36 ലക്ഷം രൂപ ഇനാം പ്രഖ്യാപിച്ചിരുന്ന ആറ് നക്സലൈറ്റുകൾ വ്യാഴാഴ്ച കീഴടങ്ങിയതായി ഉദ്യോഗസ്ഥർ അറിയിച്ചു. സുക്മ പോലീസ് സൂപ്രണ്ട് കിരൺ ചവാൻ ആണ് ഇക്കാര്യം അറിയിച്ചത്.
ദുധി പോജ്ജ ഭാര്യ ദുധി പോജ്ജെ, ജയക്ക എന്ന അയാട്ടെ കോർസ, കവാസി മുദ, കരം നാരണ്ണ എന്ന ഭൂമ, മഡ്കം സുക്ക എന്ന റൈനു എന്നിവരാണെന്ന് പോലീസ് വ്യക്തമാക്കി. പൊജ്ജയുടെ തലയ്ക്ക് 8 ലക്ഷം രൂപ പാരിതോഷികം വരെ പ്രാഖ്യാപിച്ചിരുന്നു.
ഇയാൾ മാവോയിസ്റ്റുകളുടെ പീപ്പിൾസ് ലിബറേഷൻ ഗറില്ല ആർമി ബറ്റാലിയൻ നമ്പർ 1 ന്റെ ഭാഗവും പീപ്പിൾസ് പാർട്ടി കമ്മിറ്റി അംഗവും ആയിരുന്നു. ഭാര്യ പോജ്ജെ ബറ്റാലിയൻ നമ്പർ 1 ലെ അംഗം കൂടിയായിരുന്നുവെന്ന് എസ്പി പറഞ്ഞു.
