കോട്ടയം: ബാല്യം സുരക്ഷിതമാക്കേണ്ടത് സമൂഹത്തിന്റെ കടമയാണെന്ന് ഫ്ളോറന്സ് നൈറ്റിങ്ഗേല് പുരസ്കാരം നേടിയ വി.എസ്. ഷീലാറാണി പറഞ്ഞു. കോട്ടയത്ത് നടന്ന സൗരക്ഷിക സംസ്ഥാന സമ്മേളനത്തിന്റെ സ്വാഗതസംഘ രൂപീകരണ യോഗം ഉദ്ഘാടനം ചെയ്യുകയായിരുന്നു ഷീലാറാണി.
സൗരക്ഷിക ജില്ലാ പ്രസിഡന്റ് അഡ്വ. അജി ആര്. നായര് അധ്യക്ഷനായി. സൗരക്ഷിക സംസ്ഥാന സംഘടന സെക്രട്ടറി വി.ജെ. രാജ്മോഹന് മുഖ്യപ്രഭാഷണം നടത്തി. സംസ്ഥാന ഭാരവാഹികളായ പി.സി. ഗിരീഷ്കുമാര്, എന്. ശ്രീകുമാര് എന്നിവര് സംസാരിച്ചു.
സ്വാഗതസംഘം ഭാരവാഹികളായി ഷീലാ റാണി (ചെയര്പേഴ്സണ്), സിന്ധു എം. പൈ (ജനറല് സെക്രട്ടറി), പി.എന്. ശ്രീകുമാര് (വര്ക്കിങ് പ്രസിഡന്റ്), അജി ആര്. നായര് (ജനറല് കണ്വീനര്), രാഖി മധു (ട്രഷറര്) എന്നിവരുള്പ്പെടുന്ന 51 അംഗ കമ്മറ്റിയെ തെരഞ്ഞെടുത്തു. ‘സുരക്ഷിത ബാല്യം സുശക്ത സമൂഹം’ എന്ന സന്ദേശം ഉയര്ത്തി മെയ് 26ന് സംസ്ഥാന സമ്മേളനം കോട്ടയത്ത് നടക്കും.
