ലണ്ടന്: ഇംഗ്ലീഷ് പ്രീമിയര് ലീഗില് വിജയവഴിയില് തിരിച്ചെത്തി ലിവര്പൂള്. ആന്ഫീല്ഡില് നടന്ന മത്സരത്തില് ടോട്ടനത്തെ രണ്ടിനെതിരെ നാല് ഗോളുകള്ക്ക് തകര്ത്തു. ഒരു പരാജയത്തിനും സമനിലയ്ക്കും ശേഷമുള്ള ലിവര്പൂള് വിജയമാണിത്.
സ്വന്തം തട്ടകത്തില് നടന്ന മത്സരത്തില് ലിവര്പൂളാണ് ആദ്യം ലീഡെടുത്തത്. 16-ാം മിനിറ്റില് മുഹമ്മദ് സലാ ചെമ്പടയ്ക്ക് വേണ്ടി ആദ്യ ഗോള് നേടി. സീസണില് സലായുടെ 25-ാം ഗോളാണിത്. ആദ്യ പകുതിയുടെ അവസാനം ആന്ഡ്രൂ റോബേര്ട്സണിലൂടെ ലിവര്പൂള് ലീഡ് ഉയര്ത്തി. ഇതോടെ ആദ്യപകുതിയില് 2-0ന് ചെമ്പട മുന്നിട്ടുനിന്നു.
പിന്നീട് 50-ാം മിനിറ്റില് കോഡി ഗാക്പോയിലൂടെയും 59-ാം മിനിറ്റില് ഹാര്വേ എല്ലിയറ്റിലൂടെയും ലിവര്പൂള് സ്കോര് നാലാക്കി ഉയര്ത്തി. എന്നാല് പിന്നീട് ടോട്ടനം തിരിച്ചടിച്ചു. 72-ാം മിനിറ്റില് റിച്ചാര്ലിസണും 77-ാം മിനിറ്റില് സണ് ഹ്യൂങ് മിനും ലക്ഷ്യം കണ്ടെങ്കിലും ടീമിനെ പരാജയത്തില് നിന്ന് രക്ഷിക്കാനായില്ല.
സീസണില് ലിവര്പൂളിന്റെ 23-ാം വിജയമാണിത്. വിജയത്തോടെ റെഡ്സിന് 36 മത്സരങ്ങളില് നിന്ന് 78 പോയിന്റായി. പോയിന്റ് പട്ടികയില് മൂന്നാം സ്ഥാനത്ത് തന്നെ തുടരുകയാണ് ലിവര്പൂള്.
മറ്റൊരു മത്സരത്തില് ബ്രൈറ്റണ് 1-0ന് ആസ്റ്റണ് വില്ലയെ തോല്പ്പിച്ചു.
