മുംബൈ: 18.6 കോടിയുടെ സ്വര്ണ്ണം കടത്താന് ശ്രമിക്കവെ മുംബൈ വിമാനത്താവളത്തില് വച്ച് ഡയറക്ടറേറ്റ് ഓഫ് റവന്യൂ ഇന്ന്റലിജന്സിന്റെ പിടിയിലായ അഫ്ഗാന് കോണ്സല് ജനറല് സാക്കിയ വര്ധക് (58 )സ്ഥാനമൊഴിഞ്ഞു.
കോണ്സല് ജനറല് എന്ന നിലയ്ക്ക് നയതന്ത്ര പരിരക്ഷയുള്ളതിനാല് ഏപ്രിലില് പിടിക്കപ്പെട്ടപ്പോള് അറസ്റ്റ് രേഖപ്പെടുത്താതെ ഇവരെ നോട്ടീസ് നല്കി വിട്ടയയ്ക്കുകയായിരുന്നു. ഇവര് ദുബായില് നിന്ന് ഗ്രീന് ചാനല് വഴിയാണ് വന്നത്. പരിശോധനയില് പ്രത്യേകം നിര്മ്മിച്ച ജാക്കറ്റ്, പാന്റ്, ബെല്റ്റ്, നീ ക്യാപ് എന്നിവയില് ഒളിപ്പിച്ച നിലയില് 25 കിലോ സ്വര്ണം കണ്ടെത്തുകയായിരുന്നു.
എന്നാല് തന്നെ അപകീര്ത്തിപ്പെടുത്താനും കുടുക്കാനും ശ്രമിക്കുകയായിരുന്നുവെന്നും എങ്കിലും താന് രാജി സമര്പ്പിക്കുകയാണെന്നുമാണ് സാക്കിയ എക്സില് പ്രതികരിച്ചത്.
