തിരുവനന്തപുരം: ഉഷ്ണതരംഗ സാധ്യത നിലനില്‍ക്കുന്ന സാഹചര്യത്തിലും അന്തരീക്ഷ താപനില ഉയര്‍ന്ന് നില്‍ക്കുന്നതിനാലും സംസ്ഥാനത്തെ എല്ലാ ഐ ടി ഐകള്‍ക്കും ഈ മാസം 30 മുതല്‍ മേയ് 4 വരെ അവധി പ്രഖ്യാപിച്ചതായി ഡയറക്ടര്‍ അറിയിച്ചു.സര്‍ക്കാര്‍, സ്വകാര്യ ഐ ടി ഐകള്‍ക്ക് അവധി ബാധകമാണ്.
ആള്‍ ഇന്ത്യ ട്രേഡ് ടെസ്റ്റ് അടുത്തിരിക്കുന്നതിനാല്‍ സിലബസ് പൂര്‍ത്തിയാക്കേണ്ടതിനാല്‍ ഈ ദിവസങ്ങളില്‍ ഓണ്‍ലൈന്‍ ക്ലാസുകള്‍ നടത്തും. വിദ്യാര്‍ത്ഥികളും അധ്യാപകരും ഇതിനാവശ്യമായ സംവിധാനങ്ങളും ക്രമീകരണങ്ങളും ഏര്‍പ്പെടുത്തണം.
അതേസമയം ഉദ്യോഗസ്ഥരും അധ്യാപകരും സ്ഥാപനങ്ങളില്‍ ഹാജരാകണമെന്നും ഡയറക്ടര്‍ നിര്‍ദ്ദേശിച്ചു. നേരത്തേ പകല്‍ പുറം ജോലി ചെയ്യുന്ന തൊഴിലാളികള്‍ക്ക് ഉച്ചയ്‌ക്ക് 12 മുതല്‍ മൂന്ന് മണി വരെ വിശ്രമം അനുവദിച്ച ഉത്തരവി മേയ് 15 വരെ ദീര്‍ഘിപ്പിച്ചിരുന്നു.
പ്രതികരിക്കാൻ ഇവിടെ എഴുതുക: