തിരുവനന്തപുരം: പാര്ക്ക് ചെയ്തിരുന്ന കാറില് സെലോ ടേപ്പ് ഒട്ടിച്ച് വികൃതമാക്കിയെന്ന് പരാതി. എം സി റോഡില് കിളിമാനൂര് തട്ടത്തുമല ജംഗ്ഷനില് കഴിഞ്ഞ ചൊവ്വാഴ്ചയായിരുന്നു സംഭവം.
തട്ടത്തുമല സ്വദേശിനിയാണ് കിളിമാനൂര് പൊലീസില് പരാതി നല്കിയത്. ടയറില് ദ്രാവകം ഒഴിച്ച് കേട് വരുത്തിയതായും പരാതിയില് പറയുന്നു. സംഭവത്തിന്റെ സിസിടിവി ദൃശ്യങ്ങള് പുറത്തുവന്നു. ആളൊഴിഞ്ഞ സ്ഥലത്ത് കാര് പാര്ക്ക് ചെയ്ത കാര് ആണ് വികൃതമാക്കിയത്.
കാര് പാര്ക്ക് ചെയ്തിരുന്ന സ്ഥലത്തിന് സമീപത്തെ CCTVയില് കാര് വികൃതമാക്കുന്ന ദൃശ്യം ലഭിച്ചിട്ടുണ്ട്.
വീട്ടമ്മയുടെ മൊഴിയെടുത്തെങ്കിലും ഇതുവരെയും പൊലീസ് കേസ് രജിസ്റ്റര് ചെയ്തിട്ടില്ല ഇതേ തുടര്ന്ന് മേലുദ്യോഗസ്ഥര്ക്ക് പരാതി നല്കാന് ഒരുങ്ങുകയാണ് വീട്ടമ്മ.
