മാഡ്രിഡ്: ലോക രണ്ടാം നമ്പര്‍ താരം കാര്‍ലോസ് അല്‍കാരസ് മാഡ്രിഡ് ഓപ്പണ്‍ ടെന്നസ് മൂന്നാം റൗണ്ടില്‍ പ്രവേശിച്ചു. ഇന്നലെ നടന്ന മത്സരത്തില്‍ അലക്‌സാണ്ടര്‍ ഷെവ്‌ചെങ്കോയെ ആണ് അല്‍കാരസ് തോല്‍പ്പിച്ചത്. നേരിട്ടുള്ള സെറ്റിനായിരുന്നു അല്‍കാരസിന്റെ വിജയം. സ്‌കോര്‍: 6-2, 6-1
വനിതാ സിംഗിള്‍സ് പോരാട്ടത്തില്‍ നാലാം സീഡ് താരമായി മത്സരിക്കുന്ന എലേന റൈബാക്കിനയും മൂന്നാം റൗണ്ടിലേക്ക് മുന്നേറി. ഇന്നലെ നടന്ന രണ്ടാം റൗണ്ട് പോരാട്ടത്തില്‍ ലൂസിയ ബ്രോന്‍സെറ്റിയെ നേരിട്ടുള്ള സെറ്റുകള്‍ക്കാണ് താരം തോല്‍പ്പിച്ചത്. സ്‌കോര്‍: 64, 63.
വനിതാ സിംഗിള്‍സില്‍ ഇന്നലെ നടന്ന മറ്റൊരു മത്സരത്തില്‍ മാര്‍കെറ്റ വോന്‍ഡ്രുസോവ വിജയിച്ചു. അമേരിക്കന്‍ താരം ഷെല്‍ബി റോജേഴ്‌സിനെ ആണ് താരം തോല്‍പ്പിച്ചത്. നേരിട്ടുള്ള സെറ്റിന്റെ അത്യുഗ്രന്‍ വിജയമാണ് വോന്‍ഡ്രുസോവ നേടിയത്. സ്‌കോര്‍: 61, 63.
വനിതാ സിംഗിള്‍സ് രണ്ടാം റൗണ്ടില്‍ സീഡില്ലാ താരത്തോട് ഏറ്റുമുട്ടി ബാര്‍ബോറ ക്രെയ്‌സിക്കോവ പരാജയപ്പെട്ടു. ജാക്വിലിന്‍ ക്രിസ്റ്റിയാനിനോടാണ് ക്രെയ്‌സിക്കോവ പരാജയപ്പെട്ടത്. സ്‌കോര്‍: 2-6, 6-0, 6-2
പ്രതികരിക്കാൻ ഇവിടെ എഴുതുക: