അല്‍കാരസും പവോലിനിയും ക്വാര്‍ട്ടറില്‍

ലണ്ടന്‍: നേരിട്ടുള്ള സെറ്റിന്റെ വിജയത്തിലേക്ക് കുതിച്ച കാര്‍ലോസ് അല്‍കാരസിന് വെല്ലുവിളിയുയര്‍ത്തിയ യുഗോ ഹംബര്‍ട്ടിനെ താരം മറിടകന്നു. പ്രീക്വാര്‍ട്ടര്‍ പോരില്‍ ആദ്യ രണ്ട് സെറ്റും അല്‍കാരസ് 6-3, 6-4ന് സ്വന്തമാക്കി നില്‍ക്കെയാണ് മൂന്നാമത്തെ 6-1ന് പിടിച്ചെടുത്ത് ഹംബര്‍ട്ട് കരുത്തറിയിച്ചു.

വാശിയേറിയ നാലാം സ്റ്റില്‍ രണ്ട് താരങ്ങളും ഒപ്പത്തിനൊപ്പം പൊരുതി. ഒടുവില്‍ നിലവിലെ ചാമ്പ്യനായ അല്‍കാരസ് ജയത്തോടെ ക്വാര്‍ട്ടര്‍ ഉറപ്പിച്ചു. സ്‌കോര്‍ 6-3, 6-4, 1-6, 7-5
മൂന്നാം സീഡ് താരമായി ഇറങ്ങിയ അല്‍കാരസിനെതിരെ ഇറങ്ങിയ ഹംബര്‍ട്ട് ടൂര്‍ണമെന്റിലെ 16-ാം സീഡ് താരമാണ്.

വനിതാ സിംഗിള്‍സില്‍ ഇന്നലെ നടന്ന പോരാട്ടത്തില്‍ ഇറ്റലിയുടെ ജാസ്മിന്‍ പാവോളിനി പ്രീക്വാര്‍ട്ടറില്‍ വിജയിച്ചു. അമേരിക്കന്‍ താരം മാഡിസന്‍ കെയ്‌സിനെയാണ് തോല്‍പ്പിച്ചത്. ആദ്യ സെറ്റ് പാവോളിനി പിടിച്ചെടുത്തപ്പോള്‍ ടൈബ്രേക്കറിലേക്ക് നീണ്ട രണ്ടാം സെറ്റ് കെയ്‌സിനൊപ്പം നിന്നു. മൂന്നാമത്തെയും അവസാനത്തെയും സെറ്റ് മുഴുമിപ്പിക്കും മുമ്പേ കെയ്‌സ് പിന്‍മാറി അതേ തുടര്‍ന്ന് പാവോലിനി സെമിയിലേക്ക് വാക്കോവര്‍ ലഭിച്ചു.