തിംഫു: വിനോദസഞ്ചാരികള്ക്ക് യാത്രാ ഇന്ഷുറന്സ് നിര്ബന്ധമാണെന്ന ചട്ടത്തില് ഭൂട്ടാന് ഇളവ് വരുത്തി. കൊവിഡ് വ്യാപനത്തിന് ശേഷമാണ് വിനോദസഞ്ചാരികള്ക്ക് ഭൂട്ടാന് യാത്രാ ഇന്ഷുറന്സ് നിര്ബന്ധമാക്കിയത്. നിലവില് സഞ്ചാരികള്ക്കുള്ള ബുദ്ധിമുട്ടും സാഹചര്യങ്ങള് മെച്ചപ്പെട്ടതും പരിഗണിച്ചാണ് ഇതില് ഇളവ് വരുത്തുന്നതെന്ന് ഭൂട്ടാന് ടൂറിസം വകുപ്പ് വ്യക്തമാക്കി.
നിയമത്തില് ഇളവ് വരുത്തിയെങ്കിലും അപ്രതീക്ഷിതമായി ഉണ്ടായേക്കാവുന്ന സാഹചര്യങ്ങള് പരിഗണിച്ച് ടൂറിസ്റ്റുകള് യാത്രാ ഇന്ഷുറന്സുകള് തുടര്ന്നും എടുക്കണമെന്നും അധികൃതര് അഭ്യര്ത്ഥിച്ചു. ഇന്ഷുറന്സ് നിയമത്തില് ഇളവ് വരുത്തുന്നതിലൂടെ ഭൂട്ടാനിലേക്കുള്ള യാത്ര കൂടുതല് എളുപ്പത്തിലാവുമെന്നാണ് സഞ്ചാരികളുടെ പ്രതീക്ഷ. അതോടൊപ്പം യാത്രക്കാര്ക്ക് ചെലവു കുറയ്ക്കാനും ഇത്
സഹായിക്കും.
