തൃശൂര്‍: ടീനേജുകാര്‍ മുതല്‍ യുവാക്കള്‍ വരെ തിങ്ങിനിറഞ്ഞ കലാശക്കൊട്ടില്‍ പാട്ടുകള്‍ക്കൊത്ത് നൃത്തം ചെയ്ത് സുരേഷ് ഗോപി. കൊടുംചൂടിനെ അവഗണിച്ച് ഇത്രയും നാള്‍ നീണ്ട പ്രചാരണത്തിന്റെ ക്ഷീണമൊന്നും താരത്തിനില്ല.
തൊട്ടടുത്ത് കൊട്ടിക്കലാശത്തിനെത്തിയ കമ്മ്യൂണിസ്റ്റ് പാര്‍ട്ടിയുടെ പ്രവര്‍ത്തകരിലെ ചെറുപ്പക്കാരിലെ നല്ലൊരു സംഘം സുരേഷ് ഗോപിയുടെ നൃത്തച്ചുവടുകള്‍ കാണാന്‍ എത്തിയത് ഇടത് ക്യാമ്പില്‍ ക്ഷീണമുണ്ടാക്കി. സുരേഷ് ഗോപി സിനിമയിലെ ഗാനങ്ങളാണ് ഒടുവില്‍ വാഹനത്തില്‍ നിന്നും ഉയര്‍ന്നത്. തന്റെ സ്വതസിദ്ധമായ അഭിനയം മുഴുവന്‍ സുരേഷ് ഗോപി പുറത്തെടുത്തു.
അതോടെ ടീനേജ് പയ്യന്‍മാര്‍ മുതല്‍ യുവാക്കള്‍ വരെ സുരേഷ് ഗോപി വാഹനത്തിന് ചുറ്റും കൂടി. ചെറിയ ഇടവേളകളില്‍ ആവേശത്തോടെ യുവാക്കള്‍ കാവിയും വെള്ളയം നിറത്തിലുള്ള ചെറിയ നിറക്കടലാസുകള്‍ അന്തരീക്ഷത്തില്‍ വാരിവിതറിയതും ജനത്തെ ഹരം കൊള്ളിച്ചു.
