തിരുവനന്തപുരം: മുതിര്‍ന്ന പൗരന്മാര്‍ക്ക് വീട്ടില്‍ വോട്ട് ചെയ്യാന്‍ സൗകര്യമൊരുക്കുന്ന പ്രക്രിയയില്‍ വീഴ്ചകള്‍ അനുവദിക്കില്ലെന്ന് മുഖ്യ തെരഞ്ഞെടുപ്പ് ഓഫീസര്‍ സഞ്ജയ് കൗള്‍. കണ്ണൂര്‍ കല്യാശേരിയില്‍ കഴിഞ്ഞ ദിവസം നടന്ന സംഭവത്തില്‍ പൊലീസ് കേസ് എടുത്തിട്ടുണ്ട്. അഞ്ച് ഉദ്യോഗസ്ഥരെ സസ്പെന്ഡ് ചെയ്തതെന്നും അദ്ദേഹം വെളിപ്പെടുത്തി.
കല്യാശേരിയില്‍ 164 -ാം നമ്പര്‍ ബൂത്തില്‍ വൃദ്ധ വോട്ട് ചെയ്തപ്പോള്‍ രഹസ്യാത്മകത നഷ്ടപ്പെടും വിധം ഇടപെടല്‍ ഉണ്ടായെന്ന പരാതിയിലാണ് നടപടി. സംഭവത്തില്‍ സ്‌പെഷല്‍ പോളിംഗ് ഓഫീസര്‍ വി.വി.പൗര്‍ണമി, പോളിംഗ് അസിസ്റ്റന്റ് ടി.കെ.പ്രജിന്‍, മൈക്രോ ഒബ്‌സര്‍വര്‍ എ.ഷീല, സിവില്‍ പോലീസ് ഓഫീസര്‍ പി.ലെജീഷ്, വീഡിയോഗ്രാഫര്‍ പി.പി. റിജു അമല്‍ജിത്ത് എന്നിവരെയാണ് സസ്പെന്ഡ് ചെയ്തത്.
വോട്ടിംഗില്‍ ഇടപെടല്‍ നടത്തിയ സിപിഎം നേതാവ് അഞ്ചാംപീടിക കപ്പോട്കാവ് ഗണേശനെതിരെ കണ്ണപുരം പൊലീസ് കേസ രജിസ്റ്റര്‍ ചെയ്തതു.ഇയാള്‍ക്കും ഉദ്യോഗസ്ഥര്‍ക്കുമെതിരെ ജനപ്രാതിനിധ്യ നിയമപ്രകാരവും ഇന്ത്യന്‍ ശിക്ഷ നിയമപ്രകാരവും നടപടി സ്വീകരിക്കും.
