മലപ്പുറം: വീട്ടില് കയറി യുവതിയെ കെട്ടിയിട്ട് കവര്ച്ച നടത്തിയെന്ന പരാതിയെ തുടര്ന്ന് ചങ്ങരംകുളം പൊലീസ് അന്വേഷണം ആരംഭിച്ചു. മലപ്പുറം എടപ്പാള് വട്ടംകുളത്ത് അശോകന്റെ വീട്ടില് രാവിലെ ഏഴ് മണിയോടെയാണ് കവര്ച്ച. അശോകന്റെ മരുമകള് രേഷ്മയെ കസേരയില് കെട്ടിയിട്ട ശേഷം അണിഞ്ഞിരുന്ന 15 പവന് സ്വര്ണം കവര്ന്നെന്നാണ് പരാതിയില് പറയുന്നത്.
മുന്വശത്ത് കസേരയില് ഇരിക്കുകയായിരുന്നു രേഷ്മയെ മാസ്കും കണ്ണടയും ധരിച്ചെത്തിയ മോഷ്ടാവ് അതേ കസേരയില് കെട്ടിയിട്ട ശേഷം സ്വര്ണാഭരണങ്ങള് കവരുകയായിരുന്നു. സംഭവം നടക്കുമ്പോള് വീട്ടില് രേഷ്മയുടെ ഭര്ത്താവും അമ്മായിയമ്മയും ഉണ്ടായിരുന്നുവെന്നാണ് മൊഴി.
എന്നാല് മുകള് നിലയിലായിരുന്ന ഭര്ത്താവും കുളിമുറിയിലായിരുന്ന അമ്മായിഅമ്മയും ഈ സംഭവം അറിഞ്ഞില്ല. കുളി കഴിഞ്ഞ് എത്തിയപ്പോഴാണ് അമ്മായിയമ്മ രേഷ്മയെ കെട്ടിയിട്ട നിലയില് കണ്ടത്.
തുടര്ന്ന് പൊലീസില് പരാതി നല്കി. അന്വേഷണം പുരോഗമിക്കുകയാണെന്നും സിസിടിവി ദൃശ്യങ്ങള് ഉള്പ്പെടെ പരിശോധിക്കുകയാണെന്നും പൊലീസ് പറഞ്ഞു.
