കോതമംഗലം: കോട്ടപ്പടിയില് വെളളിയാഴ്ച പുലര്ച്ചെ കിണറ്റില് വീണ കാട്ടാനയെ മയക്കുവെടി വയ്ക്കും.കിണറ്റിലെ വെള്ളം വറ്റിച്ചശേഷം മയക്കുവെടി വയ്ക്കാനാണ് തീരുമാനം.ചൂട് കുറഞ്ഞ ശേഷമായിരിക്കും മയക്കു വെടി വെക്കുക.
കോട്ടപ്പടി പഞ്ചായത്തിലെ 1, 2, 3, 4 വാര്ഡുകളില് നിരോധനാജ്ഞ പ്രഖ്യാപിച്ചിട്ടുണ്ട്.കൃഷിയിടത്തിലെ ആള്മറയില്ലാത്ത കിണറ്റിലാണ് കാട്ടാന വീണത്.
അതേസമയം സ്വയം കിണറിടിച്ച് പുറത്തുകടക്കാന് ആന ശ്രമിക്കുന്നുണ്ടെങ്കിലും വിജയിച്ചില്ല. ആനയ്ക്ക് ക്ഷീണം ബാധിക്കുകയും ചെയ്തു.
അതിനിടെ നഷ്ടപരിഹാരം വേണമെന്നും ആനയെ പ്രദേശത്തുനിന്ന് മാറ്റണമെന്നും ആവശ്യപ്പെട്ട് നാട്ടുകാര് പ്രതിഷേധിച്ചു. മൂന്ന് ലക്ഷം രൂപ നഷ്ടപരിഹാരം വേണമെന്നാണ് ആന വീണ കിണറിന്റെ ഉടമ ആവശ്യപ്പെടുന്നത്.
ജനപ്രതിനിധികളുടെയും പൊലീസിന്റെയും നേതൃത്വത്തില് പ്രദേശവാസികളുമായി ചര്ച്ച നടത്തിയെങ്കിലും ഫലം കണ്ടില്ല.
