കൊല്ക്കത്ത: ഇന്ത്യന് സൂപ്പര് ലീഗ് ഫുട്ബോളില് പ്ലേ ഓഫില് കയറിപറ്റാനുള്ള വാശിപ്പോരാട്ടത്തില് ഈസ്റ്റ് ബംഗാള് ബെംഗളൂരു എഫ്സിയെ തോല്പ്പിച്ചു. ഇന്നലെ നടന്ന മത്സരത്തില് ഒന്നിനെതിരെ രണ്ട് ഗോളുകള്ക്കാണ് ഈസ്റ്റ് ബംഗാള് വിജയിച്ചത്.
ആദ്യ പകുതിയില് മുന്നിട്ടു നിന്ന ഈസ്റ്റ് ബംഗാളിനെ ബെംഗളുരു സമനിലയില് പിടിച്ചതാണ്. പിന്നീട് ടീം പരാജയപ്പെടുകയായിരുന്നു.
കളിക്ക് 19 മിനിറ്റായപ്പോള് പെനല്റ്റിയിലൂടെ സോള് ക്രെസ്പോ ഈസ്റ്റ് ബംഗാളിന് ലീഡ് സമ്മാനിച്ചു. 60-ാം മിനിറ്റില് ലഭിച്ച പെനല്റ്റി വലയിലെത്തിച്ച് ബെംഗളൂരുവിനായി സുനില് ഛേത്രി സമനില കണ്ടെത്തി. തുടര്ന്ന് 13 മിനിറ്റുകള്ക്ക് ശേഷം ക്ലീട്ടോന് സില്വയിലൂടെ ഈസ്റ്റ് ബംഗാള് വിജയഗോള് നേടി.
ലീഗില് ആദ്യ ആറ് സ്ഥാനക്കാര്ക്കാണ് പ്ലേ ഓഫ് യോഗ്യത. ആറാം സ്ഥാനത്താനായാണ് മറ്റ് ടീമുകള് കിണഞ്ഞ് മത്സരിക്കുന്നത്. 24 പോയിന്റ് നേടിയാണ് ഈസ്റ്റ് ബംഗാള് നിലവില് ആറാം സ്ഥാനത്തെത്തിയിരിക്കുന്നത്.
