കൊല്ലം: വാഗമണിലേക്ക് വിനോദയാത്ര പോയ കെഎസ്ആര്‍ടിസി സൂപ്പര്‍ ഡിലക്‌സ് എയര്‍ ബസ് നിയന്ത്രണം വിട്ട് റോഡില്‍ നിന്ന് മാറി മരത്തില്‍ ഇടിച്ചു നിന്നു. റോഡില്‍ നിന്ന് 15 മീറ്ററോളം തെന്നി മാറിയാണ് ബസ് മരത്തില്‍ ഇടിച്ചത്.
ഇന്ന് രാവിലെ 6.30ന് ഏനാത്ത് കുളക്കടയില്‍ ആയിരുന്നു സംഭവം. ബസില്‍ 49 യാത്രക്കാരാണുണ്ടായിരുന്നത്. ആര്‍ക്കും പരിക്കില്ല.
പുനലൂര്‍ ഡിപ്പോയിലേതാണ് ബസ്.ഇടതുവശം ചേര്‍ന്നുവന്ന ബസ് വലതുവശത്തേക്ക് ഇടിച്ചു കയറുകയായിരുന്നു.
എതിരെ മറ്റു വാഹനങ്ങള്‍ വരാതിരുന്നതും വലതുവശത്ത് ഒഴിഞ്ഞ പറമ്പ് ആയിരുന്നതും മൂലമാണ് വലിയ അപകടം ഉണ്ടാകാതിരുന്നത്.പിന്നീട് കൊട്ടാരക്കര ഡിപ്പോയില്‍ നിന്ന് പകരം ഡീലക്‌സ് ബസ് എത്തിച്ച് യാത്രക്കാരെ വാഗമണിലേക്ക് കൊണ്ടുപോകുകയായിരുന്നു.
