ന്യൂഡൽഹി: ഇന്ത്യൻ വ്യോമസേനയക്ക് ആദ്യ തദ്ദേശീയ ക്രാഷ് ഫയർ ടെൻഡർ ലഭിച്ചു. തദ്ദേശീമായി രൂപകൽപ്പന ചെയ്ത ആദ്യ ക്രാഷ് ഫയർ ടെൻഡറിന്റെ ഡെലിവറിയാണ് വ്യോമസേനയ്ക്ക് ലഭിച്ചത്. ക്രാഷ് ഫയർ ടെൻഡറുകളിൽ ആദ്യത്തേതായ ഐഎഎഫ് അടുത്തിടെ ഏറ്റെടുത്തിരുന്നു. നോയിഡ ആസ്ഥാനമായി പ്രവർത്തിക്കുന്ന ഇന്ത്യൻ എംഎസ്എംഇ സ്ഥാപനമാണ് നിർമ്മാണ പ്രവർത്തനങ്ങൾക്ക് നേതൃത്വം നൽകിയത്.
291 കോടി രൂപയുടെ കരാറിലായിരുന്നു ധാരണയായിരുന്നത്. ഇന്ത്യൻ പ്രതിരോധ ഉത്പാദന-സ്ഥാപനങ്ങളുടെ പുരോഗതിക്ക് ഐഎഎഫ് പ്രയോജനകരമായിരിക്കുമെന്നാണ് വിലയിരുത്തൽ. തദ്ദേശീയമായി വികസിപ്പിച്ചെടുക്കുന്ന വസ്തുക്കളുടെ നിർമ്മാണ പ്രവർത്തനങ്ങളെ പ്രോത്സാഹിപ്പിക്കുക എന്ന നിലയിൽ ഇന്ത്യൻ വ്യോമസേന നിർണായക പങ്കുവഹിക്കുന്നുണ്ട്. ഇത്തരത്തിൽ നിരവധി തദ്ദേശീയ നിർമ്മിത വസ്തുക്കൾ ഇതിനോടകം തന്നെ വ്യോമസേന വാങ്ങിയിട്ടുണ്ട്.
പ്രതിരോധ മേഖലയിലുൾപ്പെടെ മെയ്ക്ക് ഇൻ ഇന്ത്യ പ്രോത്സാഹിപ്പിക്കുക എന്നത് കേന്ദ്ര സർക്കാരിന്റെ ലക്ഷ്യങ്ങളിൽ ഒന്നാണ്. ഇതുമായി ബന്ധപ്പെട്ട് ഒന്നിലധികം നടപടികളാണ് സ്വീകരിച്ചിട്ടുള്ളത്. ലൈറ്റ് കോംബാറ്റ് എയർക്രാഫ്റ്റാ തേജസ് ഉൾപ്പെടെയുള്ള തദ്ദേശീയ യുദ്ധവിമാനങ്ങൾക്കും ഇന്ത്യൻ വ്യോമസേന കരാറിൽ ധാരണയായിട്ടുണ്ട്.
പ്രതികരിക്കാൻ ഇവിടെ എഴുതുക: