തൃശൂര്‍: ചിറ്റിലപ്പള്ളി പുലിയാ തൃക്കോവില്‍ ശ്രീ മഹാശിവക്ഷേത്രത്തിന്റെ ഊട്ടുപുരയോട് ചേര്‍ന്ന ക്ഷേത്രഭൂമി കയ്യേറി ഗ്യാസ് ഗോഡൗണ്‍ ആരംഭിക്കാനുള്ള സ്വകാര്യ വ്യക്തിയുടെ നീക്കത്തിനെതിരെ വ്യാപക പ്രതിഷേധം.
ക്ഷേത്രത്തില്‍ ഭക്തജന കൂട്ടായ്‌മയുടെ നേതൃത്വത്തില്‍ നാമജപ ഘോഷയാത്ര സംഘടിപ്പിച്ചു. വൈകിട്ട് അഞ്ചിന് ചിറ്റിലപ്പിള്ളി അന്തിലങ്കാവ് ക്ഷേത്രത്തില്‍ നിന്ന് ആരംഭിച്ച ഭക്തജന പ്രതിഷേധ നാമജപ യാത്രയില്‍ നിരവധി പേര്‍ പങ്കെടുത്തു.
ഭക്തജന കൂട്ടായ്‌മയില്‍ ഹിന്ദു ഐക്യവേദി സംസ്ഥാന ജനറല്‍ സെക്രട്ടറി കെ. പി. ഹരിദാസ് സംസാരിച്ചു. ക്ഷേത്രം പ്രസിഡന്റ് എം. നാരായണന്‍കുട്ടി അധ്യക്ഷനായി. ചിറക്കല്‍ നാരായണന്‍കുട്ടി, സി. ആര്‍. രാധാകൃഷ്ണന്‍, സുബ്രഹ്മണ്യന്‍, ഇന്ദിര എന്നിവര്‍ സംസാരിച്ചു.
