ശ്രീശങ്കരാചാര്യ സംസ്കൃത സർവകലാശാലയിലെ സെന്റർ ഫോർ ഓൺലൈൻ ലേണിംഗിന്റെ ആഭിമുഖ്യത്തിൽ നടത്തുന്ന 2024-25 അക്കാദമിക് വർഷത്തെ ഹ്രസ്വകാല ഓൺലൈൻ കോഴ്സുകളിലേക്ക് അപേക്ഷ ക്ഷണിച്ചു. ബേസിക് സാൻസ്ക്രിറ്റ് കോഴ്സ് ഇൻ മലയാളം, സാൻസ്ക്രിറ്റ് ഫോർ സ്പെഷ്യൽ പർപ്പസ്-ആയുർവേദ എന്നീ ഓൺലൈൻ കോഴ്സുകളിലേക്കാണ് അപേക്ഷ ക്ഷണിച്ചിരിക്കുന്നത്. പ്രായപരിധിയില്ല.
ബേസിക് സാൻസ്ക്രിറ്റ് കോഴ്സ് ഇൻ മലയാളം
മലയാളത്തിൽ എഴുതാനും വായിക്കാനും സാധിക്കുന്ന വിദ്യാർത്ഥികൾക്ക് അപേക്ഷിക്കാവുന്നതാണ്. 14 ആഴ്ചയാണ് കോഴ്സിന്റെ ദൈർഘ്യം. 20 മണിക്കൂറാകും ക്ലാസ് ഉണ്ടാകുക. രണ്ടായിരം രൂപയാണ് കോഴ്സ് ഫീസ്. ഏപ്രിൽ 15 മുതൽ ഓൺലൈൻ മുഖേന അപേക്ഷിക്കാം. മെയ് 15 ആണ് അപേക്ഷകൾ സ്വീകരിക്കുന്നതിനുള്ള അവസാന തീയതി. മെയ് 27-ന് ആരംഭിക്കുന്ന കോഴ്സ് ഒക്ടോബർ 15-ന് അവസാനിക്കും. ഓൺലൈൻ മുഖേന അപേക്ഷിക്കുന്നതിന് www.ssus.ac.in/scol എന്ന വെബ്സൈറ്റ് സന്ദർശിക്കുക.
സാൻസ്ക്രിറ്റ് ഫോർ സ്പെഷ്യൽ പർപ്പസ്-ആയുർവേദ
ആറ് മാസമാണ് കോഴ്സിന്റെ ദൈർഘ്യം. കേരളാ ആരോഗ്യ സർവകലാശാലയിലെ ആയുർവേദ അദ്ധ്യാപകർക്കാണ് അപേക്ഷിക്കാൻ അവസരം. ഏപ്രിൽ 20 വരെ ഓൺലൈൻ മുഖേന അപേക്ഷിക്കാം. ഏപ്രിൽ 29-ന് കോഴ്സ് ആരംഭിക്കും. ഒക്ടോബർ 29-ന് കോഴ്സ് അവസാനിക്കും. 5,000 രൂപയാണ് കോഴ്സിന്റെ ഫീസ്. ഓൺലൈൻ മുഖേനയാണ് അപേക്ഷ സമർപ്പിക്കേണ്ടത്.
