മണ്ഠി: ഹിമാചല് പ്രദേശിലെ മണ്ഠി ലോക് സഭാ സീറ്റില് നടി കങ്കണയ്ക്കെതിരെ മത്സരിക്കാന് താനില്ലെന്ന് കോണ്ഗ്രസ് നേതാവ് പ്രതിഭാ സിങ്ങ്. ഇന്ന് ഹിമാചല്പ്രദേശിലെ ഏറ്റവും കരുത്തയായ, ജനസ്വാധീനമുള്ള നേതാക്കളില് ഒരാളാണ് പ്രതിഭാ സിങ്ങ്. ജയം ഉറപ്പായ സീറ്റുകള് വേറെയുള്ളപ്പോള് അനാവശ്യമായി റിസ്കെടുക്കേണ്ടെന്ന ചിന്താഗതിയിലാണ് പ്രതിഭാ സിങ്ങ്.
ഹിമാചല്പ്രദേശില് ആറ് തവണ മുഖ്യമന്ത്രിയായ വീര്ഭദ്രസിങ്ങിന്റെ ഭാര്യയാണ് പ്രതിഭാ സിങ്ങ്. ഇപ്പോള് മണ്ഠി ലോക് സഭാ എംപി കൂടിയാണ് പ്രതിഭാ സിങ്ങ്. തന്നെ മണ്ഠി സീറ്റില് നിന്നും മാറ്റണമെന്ന് ഹൈക്കമാന്റിനോട് അഭ്യര്ത്ഥിച്ചിട്ടുണ്ടെന്നും പ്രതിഭാ സിങ്ങ് പറഞ്ഞു.
അതേ സമയം, വെള്ളിയാഴ്ച നടി കങ്കണ മണ്ഠിയില് തന്റെ തെരഞ്ഞെടുപ്പ് പ്രചാരണം തുടങ്ങിക്കഴിഞ്ഞു. വിജയം സുനിശ്ചിതമായ രീതിയിലാണ് കങ്കണയുടെ മുന്നേറ്റം. എതിരാളികള് പോലുമില്ലാത്ത സ്ഥിതിയാണ് മണ്ഠിയില്.
