കൊച്ചി: യുകെയുടെ ബ്ലു പ്ലാനറ്റ് ഫണ്ട് വഴി ധനസഹായം നല്കുന്ന കോമണ്വെല്ത്ത് യൂണിവേഴ്സിറ്റികളുടെ അസോസിയേഷന്റെ ഓഷ്യന് കണ്ട്രി പാര്ട്ണര്ഷിപ്പ് പ്രോഗ്രാം (ഒസിസിപി) സ്കോളര്ഷിപ്പ് കരസ്ഥമാക്കി കൊച്ചി ശാസ്ത്ര സാങ്കേതിക സര്വകലാശാലയിലെ വിദ്യാര്ത്ഥികള്.
ഇതിനകം തിരഞ്ഞെടുത്ത ഏഴ് വിദ്യാര്ത്ഥികള്ക്കു പുറമേയാണ് മൂന്ന് വിദ്യാര്ത്ഥികള്ക്കു കൂടി ഒസിപിപി സ്കോളര്ഷിപ്പ് ലഭിക്കുന്നത്. ഭാരതത്തില് നിന്നുള്ള വിദ്യാര്ത്ഥികള്ക്ക് മറൈന് സയന്സില് സമ്പൂര്ണ ധനസഹായത്തോടെ ബിരുദാനന്തര ബിരുദം പൂര്ത്തിയാക്കാന് കഴിയും എന്നതാണ് ഈ സ്കോളര്ഷിപ്പിന്റെ പ്രത്യേകത.
ആര്യ വി. സുരേഷ് (എം.ടെക്ക്, മറൈന് ബയോടെക്നോളജി), മാളവിക എല്. (എം.എഫ്.എസ്.സി, സീഫുഡ് സേഫ്റ്റി ആന്ഡ് ട്രേഡ്), നഹല കെ.വി, (എം.എസ്.സി ഇന്ഡസ്ട്രിയല് ഫിഷറീസ്) എന്നിവര്ക്കാണ് സ്കോളര്ഷിപ്പ് ലഭിച്ചത്.
വിദ്യാര്ത്ഥികള്ക്ക് ഒരു വര്ഷത്തെ പഠനത്തിനുള്ള മുഴുവന് ട്യൂഷന് ഫീസും വാര്ഷിക സ്റ്റൈപ്പന്ഡ് അലവന്സായി 36,000/ രൂപയും ഗവേഷകര്ക്ക് ഗവേഷണ ഗ്രാന്റായി പരമാവധി ഒരു ലക്ഷം രൂപ വരെയും ലഭിക്കും.
