ന്യൂദല്‍ഹി: റിലയന്‍സ് ജിയോ ഇന്‍ഫോകോം പ്രസിഡന്റ് മാത്യു ഉമ്മനെ 2023ലെ പാത്ത്‌ബ്രേക്കര്‍ ഓഫ് ദി ഇയര്‍ അവാര്‍ഡ്. ദല്‍ഹിയില്‍ നടന്ന അവാര്‍ഡ് ദാന ചടങ്ങിലാണ് ആദരം. 5ജി യുടെ ദ്രുതഗതിയിലുള്ള വിന്യാസത്തിന് നേതൃത്വം നല്‍കുന്നതില്‍ മാത്യു ഉമ്മന്റെ നിര്‍ണായക പങ്ക് മനസ്സിലാക്കിയാണ് ഈ സംയുക്ത അംഗീകാരം. പ്രശസ്ത സാമ്പത്തിക വിദഗ്ധന്‍ എം എ ഉമ്മന്റെ മകനാണ് മാത്യു.
ഇന്ത്യയുടെ ടെലികമ്മ്യൂണിക്കേഷന്‍ രംഗത്ത് നല്‍കിയ സമാനതകളില്ലാത്ത സംഭാവനകള്‍ കണക്കിലെടുത്ത്, റിലയന്‍സ് ഇന്‍ഡസ്ട്രീസിന്റെ ചെയര്‍മാനും മാനേജിംഗ് ഡയറക്ടറുമായ മുകേഷ് ഡി അംബാനിക്ക് വോയ്‌സ് & ഡാറ്റയുടെ അഭിമാനകരമായ ലൈഫ് ടൈം അച്ചീവ്‌മെന്റ് അവാര്‍ഡും ലഭിച്ചു. വോയ്‌സ് & ഡാറ്റ അവാര്‍ഡ് ചടങ്ങില്‍, നെറ്റ്‌വര്‍ക്ക് ഇന്‍ഫ്രാസ്ട്രക്ചര്‍, ബഹുഭാഷാ ഇന്റര്നെറ്റ്, കമ്മ്യൂണിക്കേഷന്‍ പ്ലാറ്റ്‌ഫോം, ബിസിനസ് പ്രോസസ് ഇന്നൊവേഷന്‍, നെറ്റ്‌വര്‍ക്ക് സേവനങ്ങള്‍, ഐഒടി എന്നിവയുള്‍പ്പെടെ വിവിധ വിഭാഗങ്ങളിലായി ആറ് അവാര്‍ഡുകള്‍ കൂടി ജിയോയ്‌ക്ക് ലഭിച്ചു.
മുകേഷ് ധീരുഭായ് അംബാനിയുടെ ലൈഫ് ടൈം അച്ചീവ്‌മെന്റ് അവാര്‍ഡ് ഞങ്ങള്‍ക്ക് കിട്ടിയ വലിയ ആദരമാണ്. മുകേഷ് അംബാനിയെ ശക്തമായ ഒരു ജിപിയുവുമായി താരതമ്യം ചെയ്തുകൊണ്ട് മാത്യു ഉമ്മന് പറഞ്ഞു. ടെലികോം, റീട്ടെയില്‍, മീഡിയ, സ്‌പോര്‍ട്‌സ് എന്നിവയില്‍ വ്യാപിച്ചുകിടക്കുന്ന അദ്ദേഹത്തിന്റെ നേതൃത്വം, ഈ മേഖലകള്‍ സമൂഹത്തിലെ നിലനിന്നിരുന്ന അതിര്‍വരമ്പുകള്‍ ഭേദിച്ച് എല്ലാവരെയും ഉള്‍ക്കൊള്ളുന്നതും എല്ലാവര്‍ക്കും താങ്ങാനാവുന്നതാക്കി.
റിലയന്‍സ് നിലകൊള്ളുന്ന എല്ലാ കാര്യങ്ങളിലും ഈ ധാര്‍മ്മികത ഉള്‍ച്ചേര്‍ന്നിരിക്കുന്നു. ഇന്നത്തെ, സാങ്കേതികവിദ്യയുടെ പരിവര്‍ത്തന യുഗത്തില്‍, ഡിജിറ്റല്‍ ലോകത്ത് ഇന്ത്യയുടെ പങ്ക് വിപ്ലവകരമായിരിക്കും. ഒരു വ്യവസായവും രാഷ്‌ട്രവും എന്ന നിലയില്‍, നമ്മുടെ സംഭാവനകള്‍ സമാനതകളില്ലാത്തതായിരിക്കും, കൂടുതല്‍ സമത്വവും സുസ്ഥിരവും ആയിരിക്കും എല്ലാ ഇന്ത്യക്കാരുടെയും ഭാവി.
മാത്യു ഉമ്മന് തന്റെ സ്വീകരണ പ്രസംഗത്തില്‍, അംഗീകാരത്തിന് നന്ദി രേഖപ്പെടുത്തുകയും സാങ്കേതിക പുരോഗതിയിലേക്ക് നയിക്കുന്നതില്‍ സഹകരണത്തിന്റെ നിര്‍ണായക പങ്കിനെ എടുത്തുകാട്ടുകയും ചെയ്തു. വളരെ ആദരണീയരായ രണ്ട് വ്യവസായ സഹപ്രവര്‍ത്തകര്‍, നീരജ് മിത്തല്‍, ഗോപാല്‍ വിത്തല്‍ എന്നിവരോടൊപ്പം എനിക്ക് ലഭിച്ച ഈ അംഗീകാരത്തില്‍ ഞാന്‍ അങ്ങേയറ്റം അഭിമാനിക്കുന്നുവെന്നും അദ്ദേഹം പറഞ്ഞു.
എഐ യുടെയും സുരക്ഷയുടെയും അതിരുകള്‍ ഭേദിക്കുന്ന ജിപിയു, ക്വാണ്ടം കമ്പ്യൂറ്റിങ് തുടങ്ങിയ പുരോഗതികളാല്‍ നയിക്കപ്പെടുന്ന സാങ്കേതികവിദ്യയുടെ തുടര്‍ച്ചയായ പരിണാമം ചൂണ്ടിക്കാട്ടി, സമൂഹത്തില്‍ സാങ്കേതികവിദ്യ സൃഷ്ടിക്കുന്ന പരിവര്‍ത്തനപരമായ സ്വാധീനത്തെ കുറിച്ച് മാത്യു ഉമ്മന് എടുത്തുപറഞ്ഞു. സമൂഹത്തിലെ എല്ലാ വിഭാഗങ്ങളെയും ഉത്തരവാദിത്തത്തോടെയും സുസ്ഥിരമായും ഉയര്‍ത്തുന്നതിന് അത്യാധുനിക സാങ്കേതികവിദ്യകള്‍ പ്രയോജനപ്പെടുത്തേണ്ടതിന്റെ പ്രാധാന്യം അദ്ദേഹം ഊന്നിപ്പറഞ്ഞു.
പ്രതികരിക്കാൻ ഇവിടെ എഴുതുക: