വാരാണസി: ജ്ഞാന്വാപി സമുച്ചയത്തിലെ വ്യാസ നിലവറയ്ക്ക്(തെക്കേ നിലവറ) മുകളിലൂടെ നടക്കുന്നത് വിലക്കണമെന്ന് ആവശ്യപ്പെട്ടുള്ള ഹര്ജി ഏപ്രില് 11ന് പരിഗണിക്കും. കാലപ്പഴക്കംചെന്ന നിലവറയ്ക്ക് മുകളിലൂടെ നടക്കുന്നത് നിര്ത്തണം, ഹര്ജിയില് ചൂണ്ടിക്കാട്ടുന്നു.
ഹിന്ദുക്കള്ക്ക് ആരാധനയ്ക്കായി വിട്ട് നല്കിയ ഈ നിലവറ ഏറെ കാലപ്പഴക്കം ചെന്നതും ദ്രവിച്ചതുമാണ്. നിലവറയുടെ പല തൂണുകള്ക്കും അടിയന്തിരമായി അറ്റകുറ്റപ്പണി നടത്തേണ്ടതുണ്ട്. നിലവറയ്ക്ക് മുകളിലൂടെ നടക്കുന്നത് ക്ഷേത്രത്തിന് നാശനഷ്ടം വരുത്താനും അപകടമുണ്ടാകാനുള്ള സാധ്യതയുണ്ട്.
അതിനാല് അത് നിരോധിക്കണമെന്നാവശ്യപ്പെട്ട് വാരാണസി കോടതിയില് മദന് മോഹന് യാദവാണ് ഹിന്ദുവിശ്വാസികള്ക്ക് വേണ്ടി ഹര്ജി നല്കിയത്. കേസ് ഇന്നലെ പരിഗണിച്ചെങ്കിലും റംസാന് വ്രതം കണക്കിലെടുത്ത് ജില്ലാ ജഡ്ജി അനില് കുമാര് വിശദമായ വാദങ്ങള്ക്കായി ഏപ്രില് 11ലേക്ക് മാറ്റിവയ്ക്കുകയായിരുന്നു.
