മിയാമി: ബെലാറസ് ടെന്നീസ് താരം അര്യാന സബലെങ്കയുടെ കാമുകന് ഐസ് ഹോക്കി താരം കോണ്സ്റ്റാന്റീന് കോള്സോവിനെ(42) കെട്ടിടത്തില് നിന്ന് ചാടി മരിച്ച നിലയില് കണ്ടെത്തി. രണ്ട് തവണ ഗ്രാന്സ്ലാം കിരീടം നേടിയിട്ടുള്ള സബലെങ്ക മയാമി ഓപ്പണിനായി തയാറെടുക്കവെയാണ് കാമുകന്റെ ആത്മഹത്യ.
യുഎസില് മയാമിയിലെ സെന്റ് റെജിസ് ബാല് ഹാര്ബര് റിസോര്ട്ടിന്റെ ബാല്ക്കണിയില് നിന്ന് താഴേക്ക് ചാടിയാണ് കോള്സോവ് ആത്മഹത്യ ചെയ്തത്. സംഭവത്തില് സംശയകരമായി ഒന്നും കണ്ടെത്തിയിട്ടില്ലെന്നും അന്വേഷണം തുടരുകയാണെന്നും പൊലീസ് അറിയിച്ചു.
ബെലാറസിലെ ദേശീയ ഹോക്കി ലീഗില് പീറ്റ്സ്ബെര്ഗ് പെന്ഗ്വിന്സിന്റെ താരമായിരുന്നു കോള്സോവ്. 2002, 2010 ശീതകാല ഒളിമ്പിക്സിലും ബെലാറസിനായി കളിച്ചിട്ടുണ്ട്. 2016ല് വിരമിച്ച കോള്സോവ് റഷ്യയിലെ കോണ്ടിനെന്റല് ഹോക്കി ലീഗില് അസിസ്റ്റന്റ് കോച്ചായി പ്രവര്ത്തിച്ച്ി വരികയായിരുന്നു.
2023 ല് ആദ്യമായി ഓസ്ട്രേലിയന് ഓപ്പണ് നേടിയ സബലെങ്ക ഈ വര്ഷം ജനുവരിയിലും കിരീടം നേടി. വനിതാ ലോക റാങ്കിംഗില് രണ്ടാം സ്ഥാനത്താണ് സബലെങ്ക.
