കോഴിക്കോട് : പേരാമ്പ്രയില്‍ അനുവിന്റെ കൊലപാതകത്തില്‍ മലപ്പുറം സ്വദേശി മുജീബ് റഹ്മാന്‍ കസ്റ്റഡിയില്‍. കൊണ്ടോട്ടി സ്വദേശിയാണ് മുജീബ്.
ആഭരണങ്ങള്‍ കവരാന്‍ അനുവിനെ വെള്ളത്തില്‍ മുക്കിക്കൊല്ലുകയായിരുന്നുവെന്ന് പൊലീസ് അറിയിച്ചു. പ്രതിയെ ഇന്ന് സംഭവസ്ഥലത്ത് എത്തിച്ച് തെളിവെടുക്കും.
മുജീബ് കൊടും ക്രിമിനല്‍ ആണെന്നും പൊലീസ് പറഞ്ഞു. മോഷണം, ബലാല്‍സംഗം ഉള്‍പ്പെടെ 55 കേസുകളാണ് മുജീബ് റഹ്മാന്റെ പേരില്‍ ഉള്ളത്.
മട്ടന്നൂരില്‍ നിന്നും മോഷ്ടിച്ച ബൈക്കുമായാണ് പ്രതി പേരാമ്പ്രയില്‍ എത്തിയത്.അതിനിടെ ധൃതിയില്‍ നടന്നുവരികയായിരുന്ന അനുവിന് സഹായം വാഗ്ദാനം ചെയ്ത് ബൈക്കില്‍ കയറ്റി കൊണ്ടുപോയ ശേഷം ആളൊഴിഞ്ഞ പ്രദേശത്ത് വച്ച് തോട്ടില്‍ തള്ളിയിട്ടു. വെള്ളത്തില്‍ മുക്കിക്കൊന്ന ശേഷം ആഭരണങ്ങളുമായി കടന്നുകളയുകയായിരുന്നു.
അനു ബൈക്കില്‍ കയറി പോകുന്നത് കണ്ടുവെന്ന് പ്രദേശവാസിയായ സ്ത്രീ മൊഴി നല്‍കിയിരുന്നു.ഇതും സിസി ടി വി യില്‍ കേന്ദ്രീകരിച്ച് നടന്ന അന്വേഷണവുമാണ് കേസില്‍ നിര്‍ണായകമായത്.
